Mattilbod 

Foto: Colourbox

Kafeteriaen
I 3. etasje i Sentralblokken ligg det ein stor kafeteria som er open for alle. Her finn du eit breitt tilbod av produkt, blant anna ferdig påsmurt, bakverk, kaker, kuvertpålegg, frukt, salatbar, eigen varmdisk og dagens middag. Du kan kjøpe middag kvar dag frå kl. 12.00. Kvar torsdag serverer vi til dømes raspeballar, eit populært tilbod både blant tilsette og andre besøkande.

Opningstider
Måndag til fredag: 07.30 - 18.00
Laurdag og søndag: 11.00 - 18.00

Konditoriet
Vi har eit eige konditori på sjukehuset. Dette ligg i 3. etasje på same stad som kafeteriaen. Her finst alt av bakeri- og konditorvarer, varene er eigenproduserte og av høg kvalitet.

Vi leverer også varer på bestilling til alle typar selskap og andre anledningar.
Kontakt Drift/ teknisk kundesenter tlf. 55 97 71 00 for pris og sortiment.

Opningstider
Måndag til fredag: 10.00 – 14.00
Laurdag og søndag: stengt

Café Foajé
Cafe Foajé ligg i 0. etasje i Sentralblokken, på same plan som hovudinngangane. Her finst eit stort utval i påsmurte produkt, bakerivarer og kaffimat, og dagleg har vi ein enkel varmrett.

Opningstider
Måndag til fredag: 08.30 - 15.30
Laurdag og søndag: stengt

Buffét-servering på avdelingane
Sentralkjøkkenet på Haukeland produserer dagleg om lag 3000 måltid med varm mat. Det gjer oss til eit av dei største produksjonskjøkkena i landet.  Forutan levering av mat til Haukeland universitetssjukehus leverer vi også til Sandviken Sjukehus, Knappentunet, Nordåstunet, Stord kommune, Bergensklinikkane, Voss kommune og Kvam kommune.

Kjøkkenet tilbyr til dagleg to menyval.  I tillegg finst det eigen ønskjekostmeny for pasientar som ønskjer annan mat. Diettkjøkkenet vårt tilbyr alle typar diettar og spesialkost. Menyane våre blir utarbeidd i samarbeid med eit eige brukarutval.

Matservering for pasientar på avdelingane har følgjande tidspunkt:

Frukost: 08.00 - 09.00
Lunsj: 12.00 - 13.00
Middag: 16.00 - 17.00
Kveldsmat: 20.00 - 21.00