Rusmedisin poliklinikk Murhjørnet

Poliklinisk behandling – vanlegaste forma for rusbehandling

Poliklinisk behandling er den vanlegaste måten å få hjelp på ved rus- og avhengigheitsproblem. Du kjem til time og reiser heim etterpå. Dersom det er behov for innlegging, vil vi alltid vurdere det som ein del av behandlinga.

Slik jobbar vi

Avdeling for rusmedisin startar all behandling poliklinisk. Vi samarbeider tett med døgnbaserte tenester for å sikre god og samanhengande behandling – både når du kjem til time og dersom du blir innlagt.

Tilbod for alle aldersgrupper

AFR poliklinikk gir behandling til både barn og unge under 18 år, og til vaksne.

Slik fungerer pasientforløpet

Pasientar ved poliklinikken følgjer eit behandlingsløp som er del av pasientforløp psykisk helse og rus. Det betyr at du får ei samla utgreiing og behandling, utan unødig ventetid.

Som pasient får du vite:

• kva som skal skje,
• når det skal skje,
• og kven som har ansvaret.