Vi tilrår at du alltid nyttar siste versjon av nettlesaren din.

Helse Fonna utvider tilbudet om digital behandling innen psykisk helse og rus

Hardanger Folkeblad omtaler eBehandlings tillbodet i Helse Fonna. Helseforetakets mål er å nå ut til fleire, korta ned ventetida, gi enklare tilgang til behandling uavhengig av kvar ein bur – og å få utnytta ressursane betre.

Publisert 09.10.2025
Grafisk brukergrensesnitt

Kari Bjelland Wågen (bildet) er rådgivar i stab ved Klinikk for psykisk helsevern og rus i Helse Fonna, og er leiar for det lokale innføringsprosjektet av tilbodet eBehandling.

– Nasjonalt er det venta ein auke av pasientar til psykisk helse i åra framover. Det har vore lenger ventetid enn vi er komfortable med og vanskeleg å nå alle som treng hjelp. Vi trur eBehandling både kan bidra til å korta ned ventetida, hjelpa oss å nå fleire og vera ein meir effektiv bruk av ressursane våre, seier ho.

Tilbod om eBehandling skal nå ut til fleire

Per i dag kan pasientar med depresjon, panikkliding og sosial angst få hjelp gjennom eBehandling. Haugaland DPS tilbyr òg «helse og arbeid» for pasientar som har ein kombinasjon av depresjon og angst, og som har vore sjukmelde lenge og strevar med å koma tilbake i arbeid.

Frå hausten utvidast tilbodet med eit nytt eBehandlingsprogram (e-tilbod) for meistring av alkoholbruk, retta mot personar som ønskjer å redusera eller slutta heilt med skadeleg alkoholbruk.

Ved Haugaland DPS har tilbodet vore i drift i om lag fire år, med ein jamn vekst i brukar­talet. Frå nyttår vart eBehandling innført som eit lokalt prosjekt for heile Helse Fonna sitt dekningsområde ved at også Stord DPS og Folgefonn DPS gjer tilbod om eBehandling.

Fleire helseforetak samarbeider om eBehandling etter modell fra Helse Bergen

Helse Fonna HF, som dekkjer Haugesund, Stord, Odda og Valen sjukehus, samt tre distriktspsykiatriske senter (DPS), har henta inspirasjon frå Sverige. Helse Bergen var først ute med eBehandling i Noreg, og etter eit vellykka prosjekt i 2013 og normal drift frå 2016, har dei andre helseføretaka følgd etter i tur og orden.

Regionalt er prosjektet styrt frå Helse Vest IKT, og Helse Fonna deltek i dette saman med Helse Bergen, Helse Stavanger, Helse Førde og Solli DPS.

– Med eBehandling kan vi møta pasienten der ho eller han er, utan at geografisk avstand eller lang reiseveg står i vegen for rask hjelp, forklarar Wågen.

Tilvising kan skje via fastlege, intern tilvising frå poliklinikken, eller ved at pasienten registrerer seg sjølv på helsenorge.no.

Les hele saken i Hardanger Folkeblad.