Blodgenomikk

Ved seksjonen arbeider bioingeniørar, molekylærbiologar og ein hematolog. Me har tett samarbeid med Avdeling for medisinsk genetikk (MGM) og Avdeling for medisinsk biokjemi og farmakologi (MBF), og jobbar i hovudsak med følgjande problemstillingar:

• Leukemi og myeloproliferative tilstandar

• Farmakogenetikk

• Arvelege blodsjukdommar hos barn og vaksne 

• Genetisk betinga

  • laktoseintoleranse

  • trombosetendens

  • hemokromatose

Seksjonen har eit breitt utval av metodar, som celledyrking, kromosomanalyse, FISH, qPCR, RT-PCR, dråpe-PCR, djupsekvensering (NGS), fragmentanalysar og sangersekvensering. Resultata av analysane våre bidreg til å setje diagnose og prognose. Dei kan òg  avgjere behandlingsval, dosering, og høve for monitorering i behandlingsforløpet.