Pasient ved Søvnpoliklinikken

Respiratorisk polygrafi

Ved mistanke om pustestans om natta (søvnapné) målast pustestraum med ein sensor under nasen, pusterørsle målast med eit belte rundt brystkasse og mage, og surstoffmetting målast med ein sensor på fingeren. Denne utgreiinga kallast respiratorisk polygrafi (RPG). Sjukepleiar vil gi deg registreringsutstyret og vise deg korleis det skal brukast. For deg som bor i rimeleg nærleik til sjukehuset, tar du registreringsutstyret med heim og søv med dette i eiga seng. På informasjonssida vår om søvnapné, finn du ein opplæringsvideo som viser korleis registreringsutstyret skal brukast.

Polysomnografi

Utgreiing av hypersomniar inneber ei nattleg søvnregistrering, samt ei registrering av søvn på dagtid. Søvnregistreringa går ut på å sove med elektrodar/leidningar til festa til hovudet for å måle hjerneaktivitet, medan sensorar under nasen, på fingeren, på beina og rundt brystkasse/mage målar pusten din og beinbevegelsar medan du søv. Ei slik utgreiing kallast polysomnografi (PSG). Oppkoplinga til PSG gjerast på sjukehuset, men for dei som bor i rimeleg nærleik til sjukehuset gjeres den nattlege registreringa heime i eiga seng. Søvnregistrering på dagtid kallast multippel søvnlatenstest (MSLT), og gjerast på Søvnpoliklinikken.

Spørjeskjema:

Eit par veker før timen din, får du tilsendt sms med lenkje til eit spørrskjema. Skjema kan då fyllast ut på mobil (innlogging med Bank ID). Om du heller vil fylle ut skjema på pc kan du følgje denne lenkjen (innlogging med Bank ID), og om du vil fylle ut skjema på papir følgjer du denne lenkjen (levering ved oppmøte).

Søvndagbok:

I forkant av timen din ved Søvnpoliklinikken ber vi deg også føre søvndagbok i ei veke. Søvndagboken blir sendt til deg i posten og fyllast ut på papir. Du kan óg laste ned søvndagbok via denne lenkjen.

Forskingsregister:

Når du kjem til Søvnpoliklinikken for fyrste gong, vil du bli spurt om å delta i vårt kvalitets- og forskningsregister. Kva det inneber, kan du lese meir om her.