Medisinsk post Akuttgeriatri og infeksjonssjukdommar

Seksjon for geriatri har ansvar for å drifte åtte senger på Medisinsk post for akuttgeriatri og infeksjonssjukdommar. Akuttgeriatri er tverrfagleg akuttbehandling av eldre pasientar med akutt funksjonssvikt i samband med sjukdom. Arbeidsmetoden har vist effekt på liggetid, funksjonsnivå ved utskriving og risiko for reinnlegging.

I åra som kjem ønskjer vi å utvikle tenester innan ortogeriatri, onkogeriatri, preoperative vurderingar og polikliniske tilbod for minne, fall og legemiddel. Vi vil òg utdanne legar i indremedisin og geriatri, og drive forsking.