Alzheimers sjukdom er årsak til 50–70 % av all demens og er ei leiande dødsårsak. Forekomsten av Alzheimers sjukdom er omtrent éin prosent ved 65 år og aukar dramatisk til mellom 20–50 % hos dei som er eldre enn 85 år. Dei patologiske kjenneteikna ved Alzheimers sjukdom er ekstracellulær akkumulering av amyloid β (Aβ) peptid i hjernen («senil-plakk» / SP) og ved intranevronal akkumulering av hyperfosforylert tauprotein i nevrofibrillære flokar i hjernen (NFT). Dette følgast av tap av synaptisk aktivering og nevronale tap. Nevropatologiske kriteriar for Alzheimers sjukdom er basert på tettleik og fordeling av SP og NFT i hjernen. Dermed er den patologiske diagnosen Alzheimer-patologi, mens diagnosen demens er avhengig av klinisk informasjon. Demens med Lewy-legemer er andre vanlege demenssjukdommar som presenterer seg klinisk som demens med Lewy-legeme eller Parkinsons sjukdom-demens (PSD). Det er ofte ei stor grad av overlappande Alzheimer og Lewy-legemepatologi hos demente personar.
Både nasjonalt og internasjonalt er det ein omfattende mangel på kunnskap når det gjeld etiologi og molekylær patogenese av demens. Desse mekanismane må belysast for å identifisere nye terapeutiske mål som kan forhindre sjukdomsprogresjon. Vidare må betre biomarkørar for demensdiagnose og progresjon identifiserast. Biomarkørar vil vere av særleg høg verdi i demens ettersom nevrodegenerasjon allereie er på eit avansert stadium når den kliniske diagnosen blir gitt. Biomarkørar er naudsynte for å gje surrogatendepunkt for å evaluere den kliniske effekten av nye nevrobeskyttande terapiar. Derfor er biomarkører sentrale for å identifisere pasientar med prodromal demens som kan vere idéelle kandidatar for nevrobeskyttande behandlingar.
Pågånde kliniske studier:
- N-DOSE AD-studien: Nikotinamid Ribosid behandling for Alzheimer sykdom / Alzheimer demens
- ANeED Joint Effort21 – eHELSE i en klinisk legemiddel-studie ved demens med Lewylegemer
- STRAT-COG: Demenskohortestudie for klassifisering av demens
- DARK-DEM-studien: Ein randomisert, kontrollert klinisk studie for å undersøke effekten av mørketerapi mot agitasjon ved demens.
- CC.AGE - Samansette sjukdommar og aldring
- 5-D: Identifisering av livets siste fase hos personar med demens ved hjelp av sensorteknologi
- DIPH.DEM: Observasjonsstudie basert på sensorteknologi med fokus på digital fenotyping av aktivitetsendringar ved livets slutt hos personar med demens
- ORAL.DEM: Ein studie for vurdering av munnhelse hos personar med demens i livets siste fase
- ActiveAgeing, Helgetun: Studie som utforskar korleis det å leve i eit nyskapande bomiljø med sosialt fellesskap kan påverke livet til eldre vaksne, ved hjelp av ei kvalitativ tilnærming.
Avslutta kliniske studiar (side under arbeid):
Sist oppdatert 22.05.2025