Målet med STRAT-PARK er å identifisere slike biologiske forskjellar og bruke denne kunnskapen til å dele pasientar inn i meir presise undergrupper. På den måten kan vi leggje grunnlaget for meir persontilpassa behandlingar og meir målretta kliniske studiar i framtida.
Studien omfattar personar med:
- Parkinsons sjukdom (PD)
- Demens med Lewy-legeme (DLB)
- Progressiv supranukleær parese (PSP)
- Multippel systematrofi (MSA)
- Kortikobasalt syndrom (CBS)
Vi kombinerer kliniske undersøkingar med biologiske prøvar, avansert hjerneavbilding og genetiske analysar for å forstå sjukdomane betre og identifisere biomarkørar som kan brukast i framtidig diagnostikk og behandling.
STRAT-PARK skal bidra til å:
- identifisere biologiske undergrupper av Parkinsons sjukdom og andre parkinsonismar
- utvikle biomarkørar som kan gi meir presise diagnosar
- leggje til rette for meir målretta kliniske studiar
- finne betre metodar for å følgje sjukdomsutvikling og behandlingseffekt
- bidra til utvikling av persontilpassa behandlingar
På sikt kan denne forskinga gjere det lettare å tilby rett behandling til rett pasient til rett tid.
Status
STRAT-PARK er ei pågåande studie. Ved utgangen av 2025 var om lag 365 deltakarar rekrutterte. Dei første resultata er publiserte, og analysane av innsamla data held fram.
Deltakande sentre
- Haukeland universitetssjukehus, Bergen
- St. Olavs hospital, Trondheim
- London Movement Disorders Centre og Centre of Excellence for Parkinson's Disease, London, Ontario, Canada
Finansiering
Studien er støtta av:
- Michael J. Fox Foundation
- Gerda Meyer Nyquist Guldbrandson og Gerdt Meyer Nyquist sitt legat
- Helse Midt-Noreg
- Noregs forskingsråd / Neuro-SysMed
- Haukeland universitetssjukehus
Kontakt
For meir informasjon om studien eller mogleg deltaking:
neurosysmedstudier@helse-bergen.no