Hei, du må oppdatere nettleseren din for å kunne besøke oss.

Fleirregional behandlingsteneste for usikker somatisk kjønnsutvikling

Behandlingstenesta omfattar diagnostikk og behandling av barn der det ved fødsel er vanskeleg å fastslå barnets kjønn, eller der det seinare kjem fram teikn på feil i kjønnsdifferensieringa.

Tenesta omfattar også diagnostikk og behandling av:

  • perineale hypospadiar
  • alle grader av hypospadi dersom ikkje begge testiklar ligg i pungen
  • pasientar med kjønnskromosommosaikkar (for eksempel undergrupper av Turner syndrom)
  • pasientar med medfødde syndrom som omfattar genitale misdanningar
  • pasientar med manglande eller ufullstendig utvikling av pubertet som følgje av feil i somatisk kjønnsutvikling og seint-debuterande kongenitt binyrebarkhyperplasi (CAH) hos jenter
I tråd med dette omfattar tenesta diagnosar innan desse ICD10-kodene: E25, E28-30, E34, Q50-56, Q64 og Q96-98.

Tverrfagleg team

Undersøking og behandling av desse tilstandane krev høgt spesialisert kompetanse frå ulike faggrupper, og det er difor oppretta team koordinert av lege ved Barne- og ungdomsklinikken. Her inngår barnelege, barne- og ungdomspsykiater, gynekolog, plastikkirurg og sjukepleiar. I tillegg er det etablert fast samarbeid med barnekirurg og genetikar. Oppfølging vil i dei fleste tilfelle strekke seg heilt inn i vaksenalder.
 
For å sikre god kvalitet og einsarta behandlingstilbod, er tenesta sentralisert til ei fleirregional behandlingsteneste lokalisert ved Haukeland universitetssjukehus og Oslo universitetssykehus.

Kven kan bli vist til oss?

Desse tilstandane kan vere grunn til tilvising:

  • uavklart kjønn ved fødsel

  • perineal hypospadi

  • alle typar hypospadi viss ikkje begge testiklane ligg i pungen

  • kjønnskromosommosaikk (inkludert undergrupper av Turner syndrom)

  • medfødde tilstandar med misdanningar i kjønnsorgana

  • manglande eller ufullstendig pubertetsutvikling som skuldast feil i kroppleg kjønnsutvikling

  • seint debuterande medfødd binyrebarkhyperplasi (CAH) hos jenter

Vi vurderer også pasientar som ikkje klart fell inn under desse kategoriane, men der det likevel er mistanke om utviklingsavvik i kjønnskarakteristika. I enkelte tilfelle kan det vere vanskeleg å skilje mellom sjukdom og normalvariasjon – då kan teamet vårt bidra i vurderinga.

Diagnosar vi dekkjer

Tilstandane vi jobbar med er knytte til følgande ICD-10-kodar:
E25, E28–E30, E34, Q50–Q56, Q64, Q96–Q98.

Kvalitetsarbeid og register

Ved Oslo universitetssjukehus (OUS) er det oppretta eit nasjonalt register for variasjon i kroppleg kjønnsutvikling. Dette er eit kombinert forskings- og kvalitetsregister godkjent av personvernombodet.

Per i dag har vi ikkje tilsvarande register ved Haukeland universitetssjukehus.

Kompetansespredning

Referansegruppa vår består av fagpersonar frå alle helseregionar. Dei bidrar til at tilvisingskriteria er godt kjende i fagmiljøa, spesielt på nyfødt- og barneavdelingar.

Legar i spesialisering ved nyfødtavdelingar får så langt det let seg gjere delta i utgreiingar, slik at dei blir kjende med tilstandane og behandlingstilbodet. Dette sikrar betre oppfølging når dei vender tilbake til sine eigne avdelingar.

Vi har jamleg kontakt med barnelegar over heile landet, spesielt når det er tvil om tilvising. Gynækologane i teamet informerer også sitt fagnettverk når det er mistanke om ei tilstand som høyrer til under vårt ansvarsområde.

Mål for arbeidet vårt

Vi måler resultata våre blant anna gjennom desse punkta:

  • Tid frå tilvising til avgjerd om oppdragarrolle

  • Geografisk likeverd i tilgangen til tenesta

  • Kor mange som får genetisk diagnose

  • Om planlagd behandling og oppfølging skjer til rett tid

Tilvising 

  • Ved akutte tilvisingar som gjeld nyfødde kan lokal barneavdeling kontakte vakthavande barnelege på nyfødt intensivavdeling på Barne- og ungdomsklinikken ved Haukeland universitetssjukehus eller Oslo universitetssykehus.
  • For tilvisingar som ikkje er akutte, kan barnelege eller lege i primærhelsetenesta ta kontakt på telefon eller sende søknad til:

    Helse Bergen
    Haukeland universitetssjukehus
    Barne- og ungdomsklinikken
    Seksjon for endokrinologi og metabolisme
    Postboks 1400
    5021 Bergen 

    eller

    Oslo universitetssykehus
    Kvinne- og barneklinikken
    Barnemedisinsk avdeling
    Barnesenteret/Henvisning
    Ullevål sykehus
    Postboks 4956 Nydalen
    0424 Oslo 

Kontakt

Sentralbord

Slik finn du fram

Bygning med store glassflater

Glasblokkene

Haukelandsbakken 1

5021 Bergen

Finn fram

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
  • Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Sjå rutetabellar og oversikt over stoppestader på Skyss.no

Sjekk nettsida til Flybussen for meir informasjon om ruter og prisar

 

Det er to HC-parkeringsplassar ved Glasblokkene. ​På grunn av byggearbeid er det elles begrensa med parkeringsplassar.

Besøkande parkerer på parkeringsdekket i Sentralblokka. Her er det også fleire HC-parkeringsplassar.

Meir informasjon om parkering på Haukeland universitetssjukehus 

Ein kan gå mellom Sentralblokka og Glasblokkene innandørs via tunnelsystemet.

Praktisk informasjon

I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

Meir informasjon om sjukehusapoteket i Sentralblokka

Opningstider
Måndag-fredag kl. 08.30-17.00

Telefon 55 97 53 44
Telefaks 55 29 07 40
bergen@apotekene-vest.no

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.​

Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.

 

Når du skal på besøk eller følgje ein pasient på sjukehuset, må du gjere deg kjent med gjeldande rutinar.

​Les meir om besøkstider og -reglar på sjukehuset

I innkallingsbrevet ditt står det kor du skal møte på sjukehuset. Dei aller fleste får også ein SMS for ankomstregistrering same dag som timen er. Du kan velge å velge å sjekke inn via SMS på mobilen, eller på sjølvbetjeningsautomat i Glasblokkene.

Dei pasientene som treng eller ønsker det, får hjelp hjelp i resepsjonen.

Når pasienten har sjekka inn, enten via mobil eller på automat, får du SMS med referansekode som viser kva ven​​tesone de tilhører. Du vil alltid få ein SMS for innkalling til rom/sted.

Når timen er over og oppgjøret tatt, får pasientene mulighet til å betale egenandel mm. via Vipps, eller å få tilsendt regning i posten eller nettbanken. 

 

Du treng ikkje å sitte utanfor behandlingsrommet å vente. Både vaksne og barn kan vente både ute og inne. I inngangsetasjen er det leikerom, lounge, kafé og fleire opphaldsareal. Det er også eit stort leikerom til venstre for den store trappa i U1.  


Ventesonene nær behandlingromma er godt merka. Du vil få SMS om å gå til ventesona når det nærmar seg timen.  

I Glasblokkene 5-8 er det ein hovudresepsjon i 1. etasje som betener alle pasientar, pårørande og besøkande til Glasblokkene. Hovudresepsjonen er betent alle dagar frå kl. 07.00 - 21.00. Helg og heilagdager er resepsjonen betent frå 07.30 - 21.00. Her kan du få hjelp til innsjekk, å finne fram, bestille tolk, transport og mykje meir.

I tillegg til hovudresepsjonen er det ein ekspedisjon i tilknyting til mottaket i U1. Denne har ope alle kvardagar kl. 07.00 - 22.30, og frå 08.00 til 22.30 i helg/heilagdagar

Resepsjonen i blokk 1-4 er gjort om til base for vektarar frå hospitaldrift, og er bemanna med vektar 24/7. Her er vektar tilgjengeleg for pasientar og besøkande for enklare førespurnadar og spørsmål.

​Utgreiing og behandling vil vere avhengig av god kommunikasjon og kartlegging av grundig sjukdomshistorikk. Derfor ber vi deg gi beskjed om du har behov for tolk under pasientsamtalane og undersøkingane så tidleg som mogleg. Dette gjeld om du til dømes har hørsels- eller synshemming, eller om du har eit anna morsmål og snakkar lite norsk.

Les meir om tolketenester og dine rettar som pasient