Om rekvisisjonar og krav til utfylling

​​​For at prøven skal få ei sikker og korrekt behandling, må følgjande opplysningar vere påført:

• Pasienten sitt namn og fødselsnummer (11 siffer)
• Pasienten sitt postnummer og poststad
• Dato og klokkeslett for prøvetaking.
• Rekvirenten sitt namn og adresse, gjerne med føretakskode og legekode/helsepersonellnummer

Det er viktig at rekvirerte analysar blir kryssa av nøyaktig i skjemaruta, då enkelte rekvisisjonar blir lesne optisk.

I tillegg ønskjer vi at du opplyser kven som skal betale for analysane (poliklinikk/Helfo, institusjon, bedrift eller andre).

Kliniske opplysningar som er relevante for laboratoriet si vurdering av analyseresultata må vere påført.

Ved prøvar til bakteriologisk dyrking må rekvisisjonen innehalde informasjon om pasienten får antibakteriell behandling. Det skal alltid opplysast om lokalisasjonen for prøvetaking ved slike prøvar.

Har du spørsmål om kva analysar som er relevante, kan du kontakte laboratorielege. Sjå telefonnummer til laboratorieavdelinga på analyseoversikten.no. 

Rekvirenten kan tilleggsrekvirere på allereie innsendt prøvemateriale dersom der er innafor haldbarheitstida.

Det kan vere aktuelt for laboratoriet å tilleggsrekvirere analysar på bakgrunn av kliniske problemstillingar og/eller sammansetjing av prøvesvar. Om vi finn analyseresultat som ikkje er rekvirert, men som vi meiner kan ha konsekvens for pasienten sitt liv og helse vil desse bli tilrekvirert/varsla frå laboratoriet.

Rekvirentar kan reservere seg mot denne tilleggsrekvireringa ved å henvende seg til leiinga på laboratoriet, krysse av på rekvisisjonsskjema der det er mogleg eller oppgje dette i kliniske opplysingar.​

Ved ønskje om undersøkingar som ikkje vert utført ved laboratoria hjelper vi rekvirenten så langt det er mogeleg med vidaresending av prøvar til aktuelt laboratorium. Nokon prøvar og isolat vert sendt til eit henvisingslaboratorium i samband med epidemiologisk overvaking angitt i nasjonale retningslinjer, referanseundersøkingar der eintydig identifikasjon ikkje kjem fram eller ved behov for verifisering av funn og eventuelt supplerande undersøkingar.
Val av henvisningslaboratorium vert gjort, i prioritert rekkefølgje, etter følgjande kriterier:

• Dersom det er oppnevnt eit nasjonalt referanselaboratorium for eit gitt agens skal vanlegvis dette laboratoriet veljast.
• Dersom det finst eit akkreditert laboratorium innan eige regionalt helseføretak som utfører ein gitt analyse, skal dette laboratoriet nyttas framfor laboratorium utanfor føretaket.
• Akkreditert laboratorium utanfor eige regionalt helseføretak skal veljast før eit ikkje-akkreditert laboratorium innan eige regionalt helseføretak.

Dei fleste prøvane laboratoriet tilbyr, finn du på dei vanlege rekvisisjonsskjema. Dersom du ønskjer analysar som ikkje står på skjemaet, men som finst på analyseoversikten.no, kan du skrive desse inn på skjemaet i tillegg

Enkelte av våre rekvisisjonsskjema, kan bestillast frå Analyseoversikten.