Hei, du må oppdatere nettleseren din for å kunne besøke oss.
En sykehus stol i et rom med utsikt

Dialyseavdelinga Voss

Dialyseavdelinga gjev livsnødvendig behandling til pasientar med behandlingskrevande nyresvikt. Avdelinga på Voss har åtte behandlingsplassar, og samarbeider med nefrologisk seksjon og dialyseavdelinga på Haukeland universitetssjukehus.

Nyrene sine hovudoppgåver er å skilje ut avfallsstoffa og overflødig væske frå kroppen, regulering av blodtrykket og dei dannar eit hormon som stimulerer beinmargen til å lage raude blodlegemer. Når nyrene sviktar er hemodialyse ei behandlingsform som brukast for å erstatte tapt nyrefunksjon.  

Ved sterkt nedsett nyrefunksjon, kan opphoping av avfallsstoff og overflødig væske som kroppen produserer kontinuerleg, skade kroppen. Då kan nokon pasientar ha behov for hemodialyse.

Ved hemodialyse (hemo=blod) vert blodet reinsa 3-4 gongar for veka ved hjelp av ei kunstig nyre/dialysefilter og ei dialysemaskin.

Dei fleste pasientar har behov for hemodialyse rundt 4 timar kvar behandling. Nyrelegen bestemmer eit behandlingsopplegg som passar kvar enkelt pasient, ut frå blodprøveverdiar og allmenntilstand.

Før 

Om det er noko spesielt du må ta omsyn til før du kjem til sjukehuset får du beskjed om det.

Du må vege deg før behandlinga startar for å måle eventuell vektforskjell som skuldast oppsamla væske etter forrige behandling. Deretter set du deg i ein behandlingsstol, og blodtrykket ditt vert målt.

Under

Du sit i ein behandlingsstol ved dialysemaskina under heile behandlinga.

For å kunne reinsa blodet ditt trengst det ein tilgang til blodsystemet. Du får derfor enten ein arteriovenøs fistel (AV-fistel = ein kobling mellom ei vene og arterie i armen) eller eit dialysekateter i ei stor blodåre, vanlegvis ved brystet/halsen. Når kateteret ikkje er i bruk, pakkast det inn med bandasje.

Ein sjukepleiar koplar deg til dialysemaskina. Dialysen (rensinga) startar og overskuddsvæska vert gradvis trekt ut i løpet av behandlingstida.

Under dialysen vil litt av blodet ditt (ca. 2 dl) sirkulera i slangesettet og dialysefilteret.

Behandlinga varar i 3-5 timar og er nøye overvaka av kontrollfunksjonar i dialysemaskina og av sjukepleiar. Dialysebehandling gjer ikkje vondt.

Sjukepleiar er til stade under heile dialysebehandlinga og kan lett tilkallast ved behov. Blodtrykket ditt målast undervegs. Under behandlinga kan du slappe av med fjernsyn, bøker, lydbøker, lett handarbeid og liknande. Det vert servert eit lett måltid i behandlinga.

Når behandlinga er ferdig får du tilbakeført blodet som er i slangesettet og dialysefilteret, og du vert kopla frå dialysemaskina.

Etter 

Etter dialysebehandlinga er ferdig, vert blodtrykket målt og du veger deg igjen. Dette for å ha eit utgangspunkt for å måle eventuell vektoppgang til neste dialysebehandling som følge av nytt oppsamla overskuddsvæske.

Du må ta blodprøvar jamleg for å sjekka behovet for behandling og kva effekt behandlinga har.  

Kontakt

Telefon

Måndag-laurdag kl. 07.30-15.00

Måndag-laurdag kl. 07.30-15.00

Logg inn for å endre time

Logg inn på helsenorge.no
Skal du sende melding til Helse Bergen HF som inneheld personsensitive opplysningar, kan du gjere det på ein trygg og sikker måte med VestDialog.

Slik finn du fram

Oppmøtestad

Du finn avdelinga i 3. etasje ved Intensivavdelinga.

Skal du på ferie til Voss? Me tek imot gjestepasientar ved ledig kapasitet. Kontakt avdelinga for nærare informasjon.

Besøkstider

  • I dag 07:30 - 15:00
En hvit bygning ved foten av et fjell

Voss sjukehus

Sjukehusvegen 16

5704 Voss

Finn fram

Reisetid til Voss frå:

  • Bergen med bil, ca. 1 t 30 min.
  • Flesland med bil, ca. 1 t 45 min.
  • Stavanger med bil, ca 6 t 30 min.
  • Oslo med bil, ca 6t 30min

​​Kjem du frå Hardanger eller Sogn, er buss ein alternativ reisemåte:

Det går buss frå sentrum til sjukehuset. Rute 965 stoggar ved sjukehuset og Rute 964 stoggar i Ringheimsvegen, nokre minutt gåtid frå sjukehuset. For nærare informasjon om rutetider, sjå Skyss sin ruteplanleggar  for rutene 964 Ringebuss Skjerpe/Sivlevegen og 965 Sentrumsringen. 

​​Det er parkeringsavgift på sjukehusområdet måndag – fredag mellom kl 09.00-17.00.

Prisar 

Kr 15 ,- pr. time og kr 40,- pr. døgn. Langtidsparkering inntil 7 døgn er mogleg. 
Du kan betale med kort, kontant eller mobil.

Sjukehuset har ikkje tilbod om lading av el-bilar for pasientar. Ladestasjonar finn ein i sentrum og ved Tinghuset, i parkeringshuset Vossapark og i Strandavegen .  

​​Voss Taxi
Telefon ​56 51 13 40​

Bergensbanen ved Voss sentrum, og det går hyppig tog mellom Voss og Bergen. 

Reisetid til Voss frå: 

  • Bergen med tog, ca 1t og 20 min​
  • Oslo med tog, ca. 5 t 30 min.

Informasjon om togtider finn du på Vy sine nettsider​

Praktisk informasjon

Kontakt personalet dersom du kjem utanom visittid eller vedkommande pasient er isolert. Nokre viktige hugsereglar:

  • Ta ikkje med potteplantar til pasientar.
  • Unngå å sitje på sengekanten, bruk stol.
  • Vær nøye med hygiene, vi tilrår vask av hendene etter besøk hjå inneliggjande pasientar.

​​​Generell besøkstid
​15.00 - 16.00 og 18.00 - 19.00

Intensivavdeling
​Vend dykk i vaktrommet for avtale om besøk​

Føde-/barselavdelinga
​
Gje mor, partnar og dei nyfødde borna ro

Dei aller fyrste dagane med den nyfødde er det viktig at familien får mest mogleg ro og kvile. Dette for å bli godt kjend med kvarandre samt at mor skal får nok ro og tid til å kome godt i gang med amminga. Me anbefalar også at den fyrste tida heime vert avgrensa til dei aller nærmaste.
Partner/ ledsager / den eine nærmaste pårørande er velkomen til barselavdelinga på dagtid mellom 09 og 20. Dersom mor ligg på rom saman med ei anna barselkvinne er det fint at dei vert einige seg i mellom i forhold til besøk slik at det også vert rom for ro og kvile.

For andre besøkande tillet me kun besøk av den nyfødde sine sysken mellom 17.00-18.30.

Det er ikkje så mykje du treng å ta med deg til sjukehuset, men enkelte ting bør du ha med. Her er ei hugseliste som kan vere til nytte. 

  • Ta med den faste medisinen du brukar. Det kan ta tid å få tilsvarande medisin frå apoteket.
  • Ta også med ei liste over all medisinen du brukar, ikkje berre den faste. Sovetablettar, smertestillande, avføringsmiddel og P-piller er òg viktig å informere om, det same gjeld alle former for alternativ behandling og kosttilskot.
  • Morgonkåpe eller romsleg treningsbukse med strikk i livet som kan regulerast. 
  • Gode innesko som er stødige og lette å ta på. Av hygieniske årsaker er det ikkje lov å gå barbeint på sjukehuset.
  • Toalettsaker som tannbørste, tannkrem, kam, deodorant og eventuelt barbermaskin.
  • Hjelpemiddel som du er avhengig av, for eksempel stokk, krykker, rullator eller rullestol.
  • Ikkje ta med pengar og verdisaker. Kort kan nyttast i kantina og i automat for litt snacks, småmat og toalettartiklar.
  • På sjukehus er strenge krav til hygiene ein viktig faktor for å kunne gi god behandling til pasientane våre. Det er derfor eit generelt forbod mot å ta med dyr inn i bygningar på sjukehusområdet

Her finn du litt informasjon om kven du vil møte, og litt om kva reglar som gjeld for deg som pasient når du er innlagt på sjukehus.

​​Pasientar som blir innlagt for øyeblikkeleg hjelp har ikkje moglegheit til å planlegge sjukehusopphaldet. Men dersom du mottar innkalling på førehand, kan det vere greit å førebu seg litt.

Personalet har namneskilt med tittel, slik at du skal kunne sjå kva yrkesgruppe kvar enkelt tilhøyrer. Du kan sjølvsagt også spørje vedkomande direkte viss du er i tvil om kven du møter. Her er ei liste over dei yrkesgruppene du vanlegvis vil møte på sjukehuset:
​​​

  • Lege ​og sjukepleiar har hovudansvaret for deg når du er innlagt på sjukehus​
  • ​Bioingeniør kjem til avdelinga kvar morgon for å ta blodprøvar eller andre prøvar
  • Radiograf førebur og utfører CT-, MR- og røntgenundersøkingar av deg på Radiologisk avdeling.
  • Fysioterapeut hjelper deg med å førebygge funksjonsvanskar som følge av for eksempel operasjonar. Kan også hjelpe deg med å få tilbake tapt bevegelsesevne, eller til å lære deg å leve vidare med endra funksjonsnivå.
  • Ergoterapeut hjelper deg med å fungere best mogleg i dagleglivet etter skade og sjukdom, og legg til rette praktisk hjelp.
  • Sosionom gir deg informasjon om forskjellige hjelpetiltak og kan formidle kontakt med aktuelle instansar, for eksempel helse- og sosialetaten eller pasientombodet.
  • Klinisk ernæringsfysiolog hjelper deg å leggje om kosthaldet dersom nødvendig.
  • ​Studentar og spesialistkandidatar. Voss sjukehus er ein del av Haukeland universitetssjukehus, som årleg utdannar eit par tusen helsearbeidarar. Det betyr at studentar og spesialistkandidatar av og til er med i samband med undersøkingar, pleie og behandling under opphaldet. Dette ber vi deg vere merksam på og ha forståing for.

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

 
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
 
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din.