Hei, du må oppdatere nettleseren din for å kunne besøke oss.

VestDialog

Skal du sende post til Helse Bergen HF som inneheld personsensitive opplysningar, kan du gjere det på ein trygg og sikker måte med VestDialog.

 

Helse Bergen har teke i bruk tenesta VestDialog. Det betyr at både verksemder og privatpersonar kan sende oss brev og dokument via ein sikker kanal. 

Ettersom sendinga blir kryptert, kan også konfidensielle opplysningar og informasjon som er underlagt teieplikt sendast via VestDialog. 

Vi oppmodar både privatpersoner og verksemder til å nytte VestDialog for å sende dokument til oss på ein rask og trygg måte.

For å bruke tenesta, må du logge på/autentisere deg ved hjelp av ID-porten (MinID, BankID m.m)​.

Når du har logga deg inn, fyller du ut skjemaet og lastar opp dokumenta du vil sende oss.

Slik fyller du ut skjemaet​​

  • Tittel: Her skriv du kva sendinga di gjeld/overskrift.
  • Beskriv kva henvendinga gjeld: Her gir du ein meir utfyllande beskriving av sendinga di.
  • Vel om du er privatperson/innbyggjar (fødselsnummer) eller om du representerer ei verksemd (organisasjonsnummer).
  • Hugs å laste opp relevante vedlegg.
  • Klikk på "Neste" og les nøye gjennom at informasjonen stemmer før du trykker på "Send inn" - sendinga blir kryptert og sendt direkte til sak-/arkivsystemet vårt.
  • På status-sida kan du laste ned kopi av brevet ditt.
  • Hugs å logge ut når du er ferdig.

Obligatoriske felt er merka med * (raud stjerne).

​

​ ​

Sist oppdatert 13.03.2026