Førehandssamtalar – dine ønsker for framtidig helsehjelp

For deg som pasient betyr førehandssamtalar at du får moglegheita til å fortelje kva som er viktig deg. Det kan omhandle:

• Dine verdiar og kva som er viktig for deg nå og i tida framover
• Synspunkt eller tankar om behandling og pleie
• Kva som gir deg meining, håp og styrke
• Praktiske spørsmål

Målet er å skape gode planar og tryggleik for deg som pasient.

Du som pårørande er ein viktig støttespelar. Om du deltar i ein førehandssamtale, vil samtalen kunne vere med på å gi deg eit godt og oversiktleg bilde av kva din nærståande  ønsker. Ditt nærvære kan vere viktig som støtte og for å bidra med informasjon om kva som er viktig for dykk.

For deg som helsepersonell er førehandssamtalar viktige for å bli betre kjent med pasienten, slik at du kjenne til verdigrunnlaget, og ønsker om framtidig behandling og omsorg. Samtalane – og informasjonen som blir dokumentert etter samtalane - vil kunne gi deg ein tryggleik i beslutningsprosessar, redusere risiko for unødvendig behandling og sikre omsorg i tråd med pasienten sine verdiar og ønsker. Kunnskap om pasienten sine ønsker kan gjere deg som helsepersonell tryggare i rollen som hjelpar, og kan bidra til auka kompetanse i å snakke om alvorlege temaer og livets siste faser.

Dersom du deltar i studien, vil du bli invitert til ein førehandssamtale med helsepersonell som har fått opplæring i å halde denne typen samtalar. Du kan ta med deg dei pårørande du sjølv ønsker.

Nokre pasientar vil få spørsmål om dei ønsker å delta i eit kort intervju, ca. 45-60 minutt – heime, på telefon eller på sjukehuset. Intervjuet vil bestå av utfyllande spørsmål om dine erfaringar knytte til gjennomføring av og innhald i førehandssamtalen. Det vil også bli samla inn nokre bakgrunnsopplysningar om deg, men kun anonymiserte data blir brukt ved presentasjon av resultata.

Etter samtalen vil du bli bedt om å fylle ut eit spørjeskjema. Det tar omtrent 20 minutt, og handlar om korleis du opplevde samtalen og om du har forslag til forbetringar.

Ein av dine nærmaste pårørande som deltar, vil også få tilbod om å svare på nokre spørsmål om sine erfaringar, også dei vil anonymiserast.

Om du velger å delta i studien,  vil du bli bedt om å signere eit samtykkeskjema. Det er heilt frivillig å delta i prosjektet. Dersom du velger å ikkje delta, vil det ikkje få konsekvensar for behandlingsforløpet ditt.  

Som pårørande kan du bli invitert til å delta i førehandssamtalen dersom pasienten ønsker å ha deg med.

Dersom du deltar i samtalen, vil også du få tilbod om å svare på eit eige kort spørjeskjema. Dette tar omtrent 20 minutt og handlar om korleis du opplevde samtalen og om du har forslag til forbetringar. Dine erfaringar som pårørande, saman med pasienten sine eigne tankar, verdiar og ønsker, gir viktig kunnskap som hjelper oss å vidareutvikle førehandssamtalar. Dette er med å bidra til at helsetenesta gir best mogleg støtte til både pasienten og dine nærmaste.

Som helsepersonell vil du få opplæring i førehandssamtalar (gjennom to halve kursdagar.) Du vil deretter saman med kollegaer gjennomføre samtalar med aktuelle pasientar, dokumentere dei i eit standardisert journalskjema og svare på eit kort spørjeskjema per pasient. Om du sjølv vel å delta i studien vil du bli bedt om å signere eit samtykkeskjema. Du vil då bli invitert til å besvare eit spørjeskjema etter ferdig undervisning, og nokre vil bli invitert til å delta i eit gruppeintervju for å dele erfaringar med gjennomføring av førehandssamtalar. Det vil også bli samla inn nokre bakgrunnsopplysningar om deg, men kun anonymiserte data vert brukt ved presentasjon av resultata.