Fleirregional behandlingsteneste for episkleral brachyterapi

1. Pasientar med intraokulær tumor som kan vere aktuell for episkleral brachyterapi (uvealt melanom og i enkelte tilfelle også chorioidalt hemangiom, metastase eller anna uavklart tumor), skal tilvisast til den fleirregionale behandlingstenesta ved Augeavdelinga på Haukeland universitetssjukehus i Bergen eller Oslo universitetssjukehus, Ullevål.
   
   
2.  Ved usikker diagnose er det ofte mest formålstenleg å vise pasienten til poliklinisk undersøking. I tillegg til detaljerte opplysningar om anamnese og kliniske funn ( inkl.Moles-gradering), skal ein legge ved resultat av nye og evt. tidlegare bildeundersøkingar (fundusfotografi, ultralyd B-scan med opplysningar tumorhøgd, fluorescein- og ICG-angiografi, etc.). Tilvisinga må også innehalde oppdatert kontaktinformasjon med telefonnummeret til pasienten.
   
   
3.  Ved klinisk mistanke om uvealt melanom kan ein og ta direkte kontakt med ein av dei behandlingsansvarlege legane ved avdelinga, for å diskutere behovet for ytterlegare utgreiing og hastegrad for innlegging.
   
   Dersom det er praktisk mogleg bør pasienten først utgreiast på heimstaden med MR orbita/cerebrum, CT thorax/abdomen/bekken, og dessutan vanleg blodstatus inkl. leverfunksjonsprøver. Ved tidligare kreftsjukdom eller høg risiko for kreftsjukdom i form av hereditet, kliniske symptom, etc., bør det takast supplerande blodprøver med tumormarkørane CAE, CA125, alfa-føtoprotein og PSA (hos menn).
   
   Svara på alle desse undersøkingane skal pasienten ta med seg ved innlegginga eller dei må ettersendast snarast mogeleg. Det same gjeld evt. bildeundersøkingar av auget (fundusfotografi, ultralyd B-scan, fluorescein- og ICG-angiografi, etc.).
   
   
4.  I særlege tilfelle kan pasienten innleggsgast som akutthjelp. Dette kan t.d. gjelde i tilfelle der ein finn ein stor intraokulær tumor, eit klinisk sikkert uvealt melanom, eller dersom tumor har ført til trykkstiging og/eller smertar. 
   
   Ein bør då avklara dette med ein av dei behandlingsansvarlege legane ved avdelinga og sørgje for at pasienten får med seg eit adekvat tilvisingsskriv.

Overordna plan for kompetansedeling er å bidra til økt kunnskap om maligne svulstar i auget og episkleral brakyterapi både nasjonalt og internasjonalt.

Behandlingssentra har følgande plan for kompetansedeling:

1. Tilby undervisning til ulike grupper helsepersonell og bidra i spesialist- og etterutdanning av augelegar. 
2. Formidle informasjon om tenesten og rutiner for henvisning av pasientar i direkte kontakt med samarbeidande legar og augeavdelingar i alle helseregionar. 
3. Informere pasientar og pårørande om sjukdomen, prognose og den praktiske gjennomføringa av behandlinga. 
4. Oppretthalde elektroniske informasjonsskriv, både for pasientar og helsepersonell, på Haukeland universitetssjukehus og Oslo universitetssykehus sine nettsider. 
5. Presentere eigne forskingsresultat på nasjonale og internasjonale konferansar.

• Nasjonalt handlingsprogram med retningslinjer for diagnostikk, behandling og oppfølging av maligne melanomer. IS-2723, 2018, Nasjonal retningslinje.
• Krohn J, Eide N, Tranheim R, Bærland T. Nasjonal kvalitetshåndbok for oftalmologi, Intraokulære svulster, s.118-123 (rev. 2015), 2010, Nasjonal retningslinje.
• Krohn J, Eide N. Uvealt malignt melanom. Norsk Melanom Gruppe, Veileder, kapittel 16, s. 40-42, http://www.onkologiskforum.org, 2007, Nasjonal retningslinje.
• Kvalitetsregistre ved Haukeland universitetssjukehus og Oslo universitetssykehus hvor kliniske opplysninger og behandlings- og resultatvariabler registreres.

Tenestens overordna resultatmål er å sikre eit kvalitativt godt behandlingstilbod til pasientar med intraokulære maligne svulstar.

Behandlingssentra har desse resultatmåla:

1. Likeverdig tilgjengelegheit. 
2. Høg kvalitet på behandlinga. 
3. Opprettholde tilbod om individualisert behandling og ulike behandlingsmodalitetar.
4. Kostnadseffektivitet. 
5. Vurdere behov for utanlandsbehandling. 
6. Kunnskapsformidling.

Overlege Jørgen G. Krohn 

Telefon til Augeavdelingas telefonsentral: 55974100

Telefonen er betjent vekedagar kl 08-1530