Vi tilrår at du alltid nyttar siste versjon av nettlesaren din.
Sjekklister i overgangar
Det er særlig viktig at tenestene samarbeider og koordinerer arbeidet sitt i overgangar
Habilitering består av mange store og små overgangar, og dei er ekstra sårbare for manglande samhandling mellom aktørane. I prosjektet «Habilitering i Barn og unges helseteneste» fann ein ut at ei felles sjekkliste kan gjere overgangane betre for pasientar og deira familiar. Sjekklistene gjeld for aktørar i oppvekst og helse i kommunane og for HABU, og kommunane er ansvarleg for dei fleste oppgåvene.
Vi samla informasjon på ei arbeidssamling med deltakarar frå kommunar, helseføretak og brukarorganisasjonar.
Deltakarane jobba saman i grupper.
Basert på kasus fann dei ut kva som må gjerast før, under og etter tre viktige overganger.
Sjekklistene er laga for å vere verktøy for å sikre at viktige oppgåver blir gjort til rett tid.
Oppgåvene er knytt til samhandling og koordinering og erstatter ikkje interne eller faglege rutinar og rettleiarer.
Oppfølging som ikkje er direkte relatert til overgangen er ikkje inkludert, men må halda fram etter behov.
Aktørane må ha samtykke frå foreldre/pasient til å samarbeide.
Viss ein av dei ansvarlege aktørane i sjekklista ikkje er med i ansvarsgruppa, må ein annan aktør gjere oppgåva.
Vi bruker ordet "koordinator" og det kan bety både "vanleg" koordinator og barnekoordinator.
ASK: Alternativ og supplerande kommunikasjon
BTI: Betre tverrfagleg innsats
Ergo: Ergoterapeut
Fysio: Fysioterapeut
HABU: Habiliteringstenesta for barn og unge, Helse Bergen HF