Nyresvikt

Målgruppe

Nyreskulen er for personar med nyresvikt som skal starte med dialysebehandling, og deira pårørande.

Skulen er tverrfagleg og du møter lege, sjukepleiar, sosionom, fysioterapeut, klinisk ernæringsfysiolog, psykiatar, brukarmedverkar og representantar frå brukarorganisasjon.

Målsetting

• Hjelpe pasientar og pårørande til å meistre kvardagen med nyresvikt.
• Gi individuell rettleiing og undervisning som gir muligheit til å delta aktivt i val av behandling.

Undervisningstilbodet består av tre delar:

1. Ein individuell samtale saman med ein pårørande. Den varer 1-2 timar. Der går vi gjennom informasjonsmateriale tilrettelagt for kvar enkelt pasient.
2. Gruppeundervisning/kurs. Blir arrangeret vår og haust. Kurset går over fire gangar à 2,5 timar. Undervisninga er eit samarbeid mellom blant anna lege, sjukepleiar, ernæringsfysiolog, sosionom, fysioterapeut, psykiater og brukarorganisasjon LNT.
   Emne som blir tatt opp:
• Nyrene sin oppbygning og funksjon 
• Sjukdommar og sjukdomstegn 
• Medisinar 
• Ernæring 
• Å leve med kronisk sjukdom 
• Mosjon 
• Trygderettigheiter 
• Behandlingsalternativ (bloddialyse/posedialyse) 
• Transplantasjon
• Kurset har ein viktig sosial komponent. Vi et saman og pasientane møter andre i same situasjon.
    
3. Ein individuell telefonsamtale noen månader etter kurset. Pasientane har elles muligheit å ta kontakt ved behov. 

Servering  av kaffe, te og ein enkel lunsj er inkludert.

Kostnadar

Eigendel etter gjeldande takstar. Gratis ved frikort, og gratis for pårørande. Avbestilling seinast 24 timar før kurs. Dersom du ikkje møter til avtalt kurs, vil sjukehuset krevje eigendel etter gjeldande takstar. Dette gjeld også om du har frikort.

Parkering

Det er parkering mot betaling i Ulriksdal Helsepark og i parkeringsanlegga over gata til Ulriksdal og ved Haraldsplass Diakonale sjukehus.