Informasjon til pasientar med samanlåste kjevar

Kvifor kjevelås?

På grunn av kjevebrot, større kjeveoperasjonar eller rekonstruktiv kirurgi må kjevane dine vere i ro, slik at ein får eit optimalt bitt.  

Andre bein i kroppen kan haldast i ro ved hjelp av gips og liknande, medan kjevane må låsast ved hjelp av ståltråd. 

Dei fleste kjevebrot treng 4-6 veker for å gro. 

Det kan vere utfordrande å gå med låste kjevar i mange veker, men etter nokre dagar vil ein vere relativt uaffisert. 

Kjevelås

• Det er sjeldan nødvendig å klippe opp ståltråden. Men skulle du bli utsatt for ei ulykke der luftvegane dine ikkje er frie må ein klippe kjevelåsen med saksa du får utlevert på avdelinga. 

•  Det kan difor vere lurt å vise familie/vener på førehand kvar dei ev. skal klippe dersom dette skulle oppstå.  

• Ståltråden skal vere stram. Dersom du kjenner at ståltrådane er lause må du ta kontakt med din eigen kjeveortoped eller kjevekirurgisk avdeling. 

• Dersom kjevelåsen blir klippet opp, kontakt kjevekirurgisk avd- Haukeland Universitets sykehus. 

Kosthald

Rikeleg og tilstrekkeleg næring er viktig. Like etter ein operasjon treng kroppen næringsrik mat. Maten kan ikkje tyggast og må difor vere flytande eller mjuk/most. 

• Et hyppige måltider, bruk sugerøyr eller kopp (med «tut») eller skje for å få maten i deg. Nær all mat kan mosast med miksar. Varier mellom ulike typer supper og graut. Vektreduksjon er vanleg etter eit slikt inngrep.  

• Blir du kvalm, legg deg på sida. Kvalmen vil då som oftast gå over. Du kan ved utskriving få resept på kvalmestillande. 

• Du bør ikkje drikke alkohol medan kjeven gror, då dette kan føre til kvalme og oppkast, særleg i samband med smertestillande.  

• Unngå snus og røyk den første tida.  

• Skyll ofte munnen med reint vatn etter måltid, dette løyser opp mat som sit fast i reguleringa. 

 Munnhygiene

Det er viktig å passe på munnhygienen når tennene er låst saman. For å hindre infeksjonar i slimhinner eller tannkjøt. 

• Puss tenner som vanleg, unngå tannpuss i operasjonsområdet den fyrste veka. Bruk bakteriedrepande munnskyljemiddel (Paroex eller Corsodyl) morgon og kveld etter tannpuss opptil ei veke etter operasjonen. Fortset deretter med Fluorskyll i vekene etter.  

• Då du ikkje kan slikke på leppene dine, kan desse lett bli tørre. Smør leppene ofte med salve eller liknande.  

Smerte

Smerte og ubehag er vanleg ei tid etter ein kjeveoperasjon.  

• Ved utskriving vil du ha behov for smertelindring i form av tablettar, brusetablett eller stikkpiller.  

• Det er vanleg å ha begrensa gapeevne.  

• Det kan og vere at nerven i kjeven er skada, og du vil då oppleve nummenheit og nedsatt kjensle i andletet. Dette kan vere forbigåande eller varig, avhengig av skaden. 

Hevelse 

• Hevelse etter operasjonen er vanleg og er gjerne på topp etter 2-3 dagar. Hevelsen forsvinn vanlegvis etter 1-2 veker.   

• Blåmerker kan nokon gonger oppstå etter operasjonar. Dette er ufarleg og vil forsvinne av seg sjølv.  

• Pasientar som vert operert i overkjeven, vert som regel tette i nasa grunna blodkoaglar. Dette er ikkje farleg. Saltvatnspray kan du bruke for å løyse opp blodkoagel i nasa. 

• Den fyrste tida vert du anbefalt å ikkje snyte deg/pusse nasen. 

Aktivitet 

• Unngå tunge løft eller hard fysisk aktivitet så lenge kjeven gror. Dette kan lett føre til ekstra belastning for kjeven.  

• Beskytt operasjonsområdet mot støt og traume i desse 6 vekene.  

Har du spørsmål eller problem etter operasjonen?

Du  kan henvende deg til :  

Kjevekirurgisk poliklinikk (dagtid) Tlf. 55972850  

Etter kl. 16:00 eller i helger, ta kontakt sengepost: Tlf.5573515 

Tannlegevakten i Bergen kan også kontaktes: 55568717