Vi tilrår at du alltid nyttar siste versjon av nettlesaren din.

Høyresentralen

Informasjon til deg med høyreapparat

På denne sida har vi samla informasjon som kan vere aktuell for deg som skal få eller har fått høyreapparat.

Et nærbilde av en person som får høreapparat

Viktig om høyreapparata dine

Du kan vanlegvis få innvilga høyreapparat kvart 6.år (det finst unntak ved særskilde vilkår).

Om du mistar høyreapparata, må du dekke kostnaden for nye høyreapparat sjølv. Det kan vere lurt å vurdere forsikring. Du kan forsikre apparata hos det private forsikringsselskapet ditt, eller hos Hørselshemmedes landsforbund (HLF).

Brukarrettleiing

Ta kontakt med oss for å bestille servicetime dersom du opplever at høyreapparata ikkje fungerer som dei skal, eller om du ikkje får til å bruke dei. Det kan vere behov for ny justering og eventuelt ein høyrselstest.

Problem med tilkobling

Vi anbefaler å ta direkte kontakt med leverandøren ved problem med tilkopling av høyreapparat til telefon og viss apparata ikkje fungerer. Du finn meir informasjon under "Treng høyreapparatet reparasjon" og "Leverandører av høyreapparat" nedanfor.

Bestille kontrolltime

Kontrolltimar er for justering, enkle reparasjonar, gjennomgang av informasjon, ønske om tilleggsutstyr og anna hjelp ein treng når ein bruker høyreapparat. Ein kontrolltime varer i 30 minutt, og du må bestille time på førehand. Merk at vi vanlegvis ikkje utfører høyrselstest på kontrolltimar.

For å bestille kontrolltime kan du ta kontakt på Helsenorge eller oss ringe på telefon 55 97 26 90 (måndag til fredag kl. 08:00–15:00).

Bruk og stell

Vi anbefaler å laste ned appen Smarthøyrsel, ein gratis, brukarvennleg app for rettleiing i bruk og stell av høyreapparat. Appen er utvikla av Hørselsforbundet, og er nyttig for både brukarar, pårørande og helsepersonell. 

Last ned appen her:

Smarthøyrsel – Appar på Google Play

Smarthøyrsel on the App Store

 

Om høyreapparatet er øydelagt, ikkje fungerer og må på reparasjon, anbefaler vi at du tar kontakt med leverandøren. Du kan sjølv sende apparata inn til reparasjon. Leverandøren finn du på tildelingskjemaet. NAV betaler for reparasjonar på apparat som NAV har dekt. Vi anbefaler alltid å sende høyreapparatet i ein pakke med sporing.

Når du sender apparatet til reparasjon, er det viktig å hugse å inkludere

  • namn
  • adresse
  • fødselsdato
  • mobilnummer
  • beskriving av kva som er problemet med høyreapparatet

Leverandørar av høyreapparat

Du kan bestille dommar, filter, slange og anna utstyr for stell av høyreapparat direkte hos leverandøren. Under finn du lenker til nettbutikkane. Du kan ta kontakt med leverandøren for å bestille utstyr.

Leverandørar høyreapparat

 

Appar for høyreapparat

Til dei nyaste høyreapparata finst det app til telefonen, slik at ein kan justere litt på lyden sjølv. Leverandørane har ulike framgangsmåtar og instruksjonar for oppkopling til telefonen. Sjå liste over leverandørar under.

For hjelp til oppkopling av høyreapparat til telefonen for app og strøyming og/eller tilleggsutstyr, blir det anbefalt å ta kontakt med leverandøren først.

Leverandørar :

 

Syns- og audiopedagogisk teneste SAPT Vestland

Syns- og audiopedagogisk teneste (SAPT Vestland) gir tenester til brukarar i kommunar knytte til den kommunale oppgåvefellesskapen.

Formålet med SAPT Vestland er å gi konsultasjon, råd og tenester knytte til syns- og høyrselsfeltet til innbyggarane i kommunar og fylkeskommune som deltar i den kommunale oppgåvefellesskapen, og hjelpe medlemskommunane i å oppfylle krava i barnehagelov, opplæringslov og lov om folketrygd.

Barn og unge skal prioriterast. Blant vaksne blir brukarar prioriterte med dei mest alvorlege høyrsels- og synstap.

SAPT Vestland hjelper i dag alle kommunar i gamle Hordaland, og dessutan Gülen kommune og Vestland fylkeskommune.

 

NAV Hjelpemiddelsentral Vestland - Bergen

Om du er yrkesaktiv og har behov for hjelpemiddel og tilrettelegging på jobb, kan du ta direkte kontakt med NAV Hjelpemiddelsentral Vestland.

 

Rådgivingskontoret for høyrselshemma Bergen

Rådgivingskontoret hjelper deg med høyrselshemming/kombinert syn-og høyrselshemming, og er eit gratis tilbod for innbyggarar i Bergen kommune. Hos rådgivingskontoret kan ein få hjelp med:

  • Omsetting av offentlege brev
  • Hjelp til å ta telefon til bank/lege o.l
  • Informere arbeidsgivarar og offentlege kontor om kvardagen, kulturen og historia til høyrselshemma, døve og døvblinde
  • Følge brukarar til lege, advokat o.l
  • Hjelpe med å sende søknader

 

Høyrselsforbundet (tidlegare HLF)

Høyrselsforbundet er ein interesseorganisasjon for dei med nedsett høyrsel og tinnitus. Dei kan blant anna vere behjelpelege med støtte, råd og hjelp til stell av høyreapparat. Les meir på Høyrselsforbundet 

 

Sist oppdatert 05.09.2025