Vi tilrår at du alltid nyttar siste versjon av nettlesaren din.
Form

ProtonSUMMIT

ProtonSUMMIT er eit tverrfagleg forskingsprogram ved Kreftklinikken på Haukeland universitetssjukehus som skal vidareutvikle protonterapi og styrkje kunnskapsgrunnlaget for framtidas kreftbehandling.

ProtonSUMMIT skal gi meir presis protonbehandling

Protonterapi er ei avansert form for strålebehandling som i mange tilfellar gjer det mogleg å redusere stråledosen til friskt vev samanlikna med tradisjonell fotonbehandling. Behandlinga er derfor særleg aktuell for pasientgrupper der det er viktig å avgrense langtidsbiverknader og seineffektar. 

Sjølv om protonterapi allereie er etablert som klinisk behandling, er det framleis behov for meir kunnskap om kven som har størst nytte av behandlinga, korleis behandlingseffekt og biverknader kan forutsjåast, og korleis teknologien kan vidareutviklast. 

Gjennom ProtonSUMMIT ønskjer vi å identifisere kven som har størst nytte av protonterapi, redusere risikoen for biverknader og seineffektar, og utvikle meir presise og persontilpassa behandlingsstrategiar. Samstundes skal prosjektet styrkje grunnlaget for kliniske studiar og bidra til raskare overføring av forskingsresultat til klinisk praksis.

Prosjektperiode: 2025–2030 

Finansiering: Trond Mohn forskningsstiftelse 

Prosjektet, som leias av Camilla Hanquist Stokkevåg utviklar ny kunnskap om biologiske mekanismar, strålefysiske eigenskapar, medisinsk avbilding og klinisk implementering av protonterapi. Gjennom forsking på behandlingseffekt, biverknader og seineffektar ønskjer vi å bidra til meir presis, skånsam og persontilpassa kreftbehandling. 

Satsninga utviklar ny kunnskap om biologiske mekanismar, strålefysiske eigenskapar, medisinsk avbilding og klinisk implementering av protonterapi. Gjennom forsking på behandlingseffekt, biverknader og seineffektar ønskjer vi å bidra til meir presis, skånsam og persontilpassa kreftbehandling. ProtonSUMMIT samlar ekspertise innan protonterapi, medisinsk fysikk, molekylærbiologi, genomikk, avansert medisinsk avbilding og datavitskap.

ProtonSUMMIT byggjer på sterke forskingsmiljø ved Haukeland universitetssjukehus og Universitetet i Bergen, inkludert gruppa for stråleterapiforsking, CCBIO, Mohn Cancer Research Laboratory og MMIV, og skjer i tett samarbeid med nasjonale og internasjonale partnarar.

Gjennom å samle komplementær kompetanse på tvers av fagområde skal programmet utvikle ny kunnskap og styrkje Bergen si rolle som eit leiande miljø for translasjonell protonterapiforsking.

 

 

  • Genomikk og molekylære biomarkørar

    Vi undersøker genetiske og biologiske faktorar som kan påverke behandlingseffekt og risiko for biverknader ved protonterapi. Målet er å identifisere biomarkørar som kan bidra til meir persontilpassa behandling. 

  • Modellering av protondose og biologisk respons

    Vi utviklar modellar i skjæringspunktet mellom fysikk og biologi for å betre forstå dei biologiske effektane av protonstrålar. Dette kan bidra til meir presis doseplanlegging og biologisk optimalisering av behandlinga. 

  • Bildebaserte biomarkørar

    Ved hjelp av CT, MR og PET undersøker vi korleis medisinsk avbilding kan brukast til å forutsi behandlingsrespons og overvake endringar i svulst og normalvev over tid. 

  • Strålebiologi og pasientnære 3D-modellar

    Vi studerer korleis svulstar og normalt vev reagerer på protonterapi ved hjelp av cellemodellar, organoidar og andre pasientnære modellar. Dette gir innsikt i mekanismane bak behandlingseffekt og toksisitet. 

  • Kunstig intelligens og prediktive modellar

    Vi utviklar modellar som kombinerer kliniske data, biletinformasjon og biologiske markørar for å støtte framtidige behandlingsval og leggje grunnlaget for meir persontilpassa protonterapi. 

Sist oppdatert 28.10.2026