Vi tilrår at du alltid nyttar siste versjon av nettlesaren din.

Seksjon for geriatri

Seksjon for geriatri har som mål å tilby persontilpassa og heilskapleg behandling til eldre pasientar, med vekt på å ta vare på funksjon og fremje livskvalitet. Vi ønskjer å vere der pasientane er, og vil leggje vekt på å utvikle eit tett samarbeid med andre seksjonar og klinikkar.

Akuttgeriatri er tverrfagleg akuttbehandling av eldre pasientar med akutt funksjonssvikt i samband med sjukdom. Arbeidsmetoden har vist effekt på liggetid, funksjonsnivå ved utskriving og risiko for reinnlegging.

I åra som kjem ønskjer vi å utvikle tenester innan ortogeriatri, onkogeriatri, preoperative vurderingar og polikliniske tilbod for minne, fall og legemiddel. Vi vil òg utdanne legar i indremedisin og geriatri, og drive forsking.

Seksjon for geriatri har ansvar for å drifte åtte senger på Medisinsk sengepost for akuttgeriatri og infeksjonssjukdommar. Du finn meir informasjon om sengeposten her:

Medisinsk post for akuttgeriatri og infeksjon

 

 

Slik finn du fram

Oppmøtestad

Medisinsk sengepost for akuttgeriatri og infeksjon er i Sentralblokka  7. etasje  i vest.

Flyfoto av Sentralblokka

Sentralblokka

Haukelandsveien 22

5021 Bergen

Finn fram

Bygger opp geriatrisk seksjon og sengepost på Haukeland

Sengeposten opnar hausten 2025 og vil ha åtte akuttgeriatriske senger og seks senger for behandling av eldre pasientar med infeksjon. Med dette ønsker sjukehuset å etablere eit solid fagmiljø og eit godt behandlingstilbod for akutt sjuke eldre pasientar.

Les meir
Et par kvinner foran en bygning