Sluttattest og tenestebevis
Arbeidstakarar sin rett til sluttattest er fastsett i arbeidsmiljølova § 15.15. Sluttattest blir utferda av leiar når ein arbeidstakar avsluttar sitt stillingsforhold ved avdeling/seksjon. Dersom du som tidlegare tilsett ikkje allereie har fått sluttattest, rår vi deg til å kontakte leiar(en).
Attesten skal innehalde
• Arbeidstakaren sitt namn
• Fødselsdato
• Kva arbeidet har bestått i
• Varigheita på arbeidsforholdet
Tenestebevis - generell informasjon
Dersom du ikkje har fått sluttattest frå leiar, eller du treng eit tenestebevis i samband med søknad til skule eller vidareutdanning, kan du bestille dette.
Tenestebeviset inkluderer følgjande opplysningar
• Stillingstittel
• Avdeling/eining
• Stillingsprosent
• Tilsetjingsperiode
• Timar (merarbeid inntil 100 % stilling)
Tenestebeviset inkluderer ikkje
• Overtidstimar
• Timar som inngår i fast stillingsprosent
• Fordeling av timar på ulike stillingar gjennom året (timane blir oppgjevne samla per år)
• Informasjon om arbeidsoppgåver
Dersom du treng andre opplysningar enn dei som kjem fram i tenestebeviset, må du kontakte leiar ved avdelinga/avdelingane du har vore tilsett i.
Tilsatt - slik bestiller du
- Logg inn med brukaren din på ein Helse Bergen PC.
- Gå inn på intranettet og søk etter tjenestebevis.
- Følg lenka og fyll ut skjemaet for å sende bestilling.
Tenestebeviset blir automatisk generert og hentar opplysningar direkte frå lønnssystemet. Det blir deretter sendt til manuell kontroll i Lønnsseksjonen.
Når det er kontrollert, blir det sendt til deg på e postadressa du har oppgitt i bestillinga.
Dersom du ikkje får e post som forventa, sjekk søppelpost/søppelkurv.
Behandlingstid: 1 veke
Tidlegare tilsatt – slik bestiller du
Send e post til servicesenter@helse-bergen.no med følgjande opplysningar
• Fullt namn
• Fødselsdato
Når tenestebeviset er klart og elektronisk signert, får du det tilsendt på e post. Dersom du ikkje får e post som forventa, sjekk søppelpost/søppelkurv.
Behandlingstid: 4 veker
Opplysningar om tidlegare stillingsforhold
Du kan òg finne opplysningar om tidlegare tilsetjingsforhold her:
• Min side - nav.no
• Min side - klp.no