Nettverk for spiseforstyrringar
Regional avdeling for spiseforstyrringar koordinerer to kliniske nettverk i Helse Vest: eitt for fagpersonar som behandlar vaksne med spiseforstyrringar og eitt for fagpersonar som behandlar barn og unge. Målet med nettverka er å styrkje kompetansen på behandling av spiseforstyrringar, leggje til rette for samarbeid på tvers av helseføretaka og bidra til eit mest mogleg likeverdig behandlingstilbod i regionen.
Regionalt klinisk nettverk for vaksne
Nettverket arbeider for kompetanseutvikling og nettverksbygging innan behandling av spiseforstyrringar for vaksne i Helse Vest.
Mål
- Styrkje kompetansen på behandling av spiseforstyrringar i tråd med kunnskapsbaserte behandlingsmetodar og faglege retningslinjer.
- Byggje nettverk innan og på tvers av helseføretaka for å utvikle behandlingstilbodet og styrkje samarbeidet.
- Bidra til at pasientar i regionen får tilgang til behandling av høg kvalitet, uavhengig av bustad.
Målgruppe
Helsepersonell som behandlar vaksne med spiseforstyrringar i Helse Vest.
Arbeidsform
Nettverket arrangerer årlege fagdager og nettverkssamlingar.
Lokale koordinatorar
Tema for samlingane blir utvikla i samarbeid med lokale koordinatorar i Helse Førde, Helse Fonna og Helse Stavanger.
Nettverk for barn og unge - Samarbeid- og rettleiing
I Helse Vest er det vedteke at barn og unge med spiseforstyrringar skal få behandling i sitt lokale helseføretak. Det er derfor ikkje etablert eit regionalt behandlingssenter for denne pasientgruppa. For å styrkje kompetansen på fagfeltet i heile regionen vart Samarbeids- og rettleiingsnettverket for barn og unge med spiseforstyrringar etablert i 2014.
Mål
- Styrkje kompetansen gjennom opplæring i kunnskapsbaserte behandlingsmetodar.
- Byggje nettverk innan og på tvers av helseføretaka på fagfeltet barn og unge.
- Bidra til likeverdig behandling uavhengig av kvar pasienten bur.
Målgruppe
Helsepersonell som behandlar barn og unge med spiseforstyrringar i Helse Vest.
Arbeidsform
Nettverket arrangerer regionale nettverkssamlingar (Fagleg forum) for behandlarar ved barne- og ungdomspsykiatriske avdelingar og poliklinikkar. Det blir òg arbeidd med vidareutdanning av regionale nøkkelpersonar for å styrkje rettleiingskompetansen i regionen.
Styringsgruppe
Styringsgruppa består av fagpersonar frå kvart helseføretak i Helse Vest. Gruppa gir retning for utviklinga av kompetansehevande tiltak basert på lokale behov.