Nytt behandlingstilbod for unge med spiseforstyrringar
Helse Bergen har starta eit nytt, intensivt behandlingstilbod for unge med eteforstyrringar. Målet er å gi rask og målretta hjelp tidleg i forløpet.
Dagenheten er eit nytt behandlingstilbod retta mot pasientar i alderen 12–23 år med spiseforstyrringar. Tilbodet er etablert i samarbeid mellom Barne- og ungdomspsykiatrisk klinikk (PBU) og Regional avdeling for spiseforstyrrelser (RAS), og held til i Glasblokkene ved Haukeland universitetssjukehus.
Ved Dagenheten får pasientane eit strukturert og intensivt behandlingstilbod over ein avgrensa periode på 2–4 veker.
Behandlinga byggjer på kunnskapsbaserte metodar som familiebasert terapi (FBT) og kognitiv åtferdsterapi (CBT-E), og er utforma for å gi tett oppfølging i ein viktig fase av behandlinga.