TAG

Kva er TAG?

TAG er eit program som er ope for deg som har kontakt med psykisk helsevern for barn og unge i Helse Bergen (PBU). Det er to ting som avgjer om du kan delta.

Så lenge fysisk aktivitet ikkje er helseskadeleg, eller gruppeterapi ikkje er uegna for deg, kan du delta. Ved tvil blir dette drøfta og avklart mellom din primærbehandlar ved PBU og Energiteamet.

Kven kan delta?

Er du pasient i psykisk helsevern for barn og unge, anten ved ein BUP eller på ei sengepost, kan du drøfte med primærbehandlaren din om å bli tilvist til TAG. Det er primærbehandlaren din ved BUP eller sengeposten som sender tilvisinga til TAG.

TAG har som mål å gjere barn og unge tryggare, skape meistringsopplevingar, bidra til auka aktivitet og livskvalitet, og betre symptom på angst og depresjon – utover det dei oppnår gjennom behandlinga dei allereie får i PBU.

Delta i forsking

Det pågår forsking på TAG. Som deltagar får du høve til å vere ein del av dette. Når du deltek i TAG, bidreg du òg til forskinga som skal hjelpe oss å utvikle endå betre tilbod for barn og unge.

Formålet med forskingsprosjektet er å finne ut om det å delta i TAG fører til at barn og unge får større utbytte av den øvrige behandlinga dei får, og om dei oppnår raskare tilfrisking. Ein føresetnad for å delta i TAG er at ein òg deltek i forskinga, men det er sjølvsagt frivillig om ein ønskjer å vere med.

Forsingsprosjektet er eit samarbeid mellom Psykisk helsevern barn og unge (PBU), Helse Bergen og Regionalt kompetansesenter for barn og unge, NORCE Research.