Kompetansesenter for sikkerhets-, fengsels- og rettspsykiatri

Sikkerhetspsykiatri er fagfeltet som sørgjer for utgreiing og behandling av pasientar som har alvorleg sinnsliding og samtidig svært aggressiv eller valdeleg åtferd, og som oftast får døgninnlegging i dei regionale eller lokale sikkerhetspsykiatriske avdelingane i Noreg. Pasientane kan vere til betydeleg fare for andre eller seg sjølv, og krev oftast meir omfattande diagnostikk, behandling og tryggare utskriving og oppfølging enn det allmennpsykiatrien tilbyr.

Fengselspsykiatri er eit fagfelt som gir eit psykisk helsevernstilbod til innsette i fengsel og forvaringsanstaltar. Det er ein betydeleg forhøgd førekomst av psykiske lidingar blant innsette, og eit fengselspsykiatrisk tenestetilbod har som formål å tilby tilpassa psykiatrisk helseteneste til innsette.

Rettspsykiatri er eit fagfelt som omhandlar psykiatrisk og psykologisk kunnskap nytta i tenesta til strafferettspleia. Spesialistar i psykiatri og psykologi kan utnemnast av retten for å vurdere om ein person som er tiltalt i ei straffesak hadde ein sterkt avvikande sinnstilstand, sterk medvitsforstyrring eller høygradig psykisk utviklingshemming på tida for ei straffbar handling (strl. § 20, jf §§ 62, 63).