Vi tilrår at du alltid nyttar siste versjon av nettlesaren din.
Vi jobbar for å bli eit
Comprehensive Cancer Center
Haukeland universitetssjukehus har starta eit omfattande arbeid for å bli akkreditert som eit Comprehensive Cancer Center (CCC) gjennom Organisation of European Cancer Institutes (OECI). Dette er ein internasjonal standard for sjukehus med heilskapleg og høgspesialisert behandling for kreftpasientar.
Eit CCC tilbyr eit komplett og koordinert behandlingstilbod som kombinerer diagnostikk, behandling, rehabilitering og forsking på høgt internasjonalt nivå. Målet med satsinga er å forbetre pasientforløpa, styrkje forskinga og auke samhandlinga mellom fagmiljø på tvers av sjukehuset og med eksterne samarbeidspartnarar. Målet er å oppnå akkreditering innan 2026.
Eit CCC er eit sjukehus som er akkreditert av Organisation of European Cancer Institutes (OECI). For å bli akkreditert må sjukehuset dokumentere:
Høg kvalitet på heile kreftforløpet – frå diagnostikk til rehabilitering
Integrering av forsking som ein naturleg del av behandlinga
Tverrfagleg samarbeid og koordinering mellom avdelingar og fagmiljø
God og tilgjengeleg pasientinformasjon
Førekomsten av kreft aukar i takt med ei aldrande befolkning, samstundes som helsevesenet står overfor utfordringar med bemanning. Auka samarbeid, betre informasjonsflyt og meir systematisk forsking er viktige tiltak for å møte framtidas behov.
Ein CCC-akkreditering vil bidra til:
Meir heilskaplege og tverrfaglege pasientforløp
Betre samarbeid mellom avdelingar, faggrupper og forskingsmiljø
Auka rekruttering til og gjennomføring av kliniske studiar
Ein sterkare posisjon nasjonalt og internasjonalt som samarbeidspartnar innan kreftforsking og -behandling
Betre koordinering mellom diagnostikk, behandling og rehabilitering
Tydeleg og tilpassa pasientinformasjon gjennom heile forløpet
Styrkt oppfølging etter avslutta behandling
Fleire moglegheiter for å delta i kliniske studiar og tilgang til ny behandling
CCC-akkrediteringa legg vekt på ei heilskapleg og persontilpassa kreftomsorg, der fysiske, psykiske og sosiale behov blir ivaretekne.
Arbeidet blir leia av ei prosjektgruppe med representantar frå fleire klinikkar og forskingsmiljø. Heile sjukehuset er involvert i dokumentasjons- og forbetringsarbeidet.
Fokusområde i akkrediteringsprosessen:
Etablere systematisk kompetanseprogram for kreftsjukepleiarar
Etablere eit tverrfagleg team for palliasjon (palliativt MDT)
Auke delen pasientar som deltek i kliniske studiar frå 2 % til minst 10 %
Oppretthalde og vidareutvikle porteføljen av kliniske kreftstudiar (minimum 75 aktive studiar)
Det blir og arbeidd med å senke terskelen for pasientdeltaking i forsking og styrkje helsepersonellet si rolle i å rekruttere til kliniske studiar.
For pasientane:
Betre og meir persontilpassa behandling
Meir heilskapleg oppfølging gjennom heile sjukdomsforløpet
Tilgang til ny og avansert behandling gjennom kliniske studiar
For helsepersonell:
Betre samarbeid på tvers av fag og avdelingar
Felles kompetanseutvikling og læringsarenaer
Moglegheit til å bidra til utvikling av framtidas kreftbehandling
For forskingsmiljø:
Auka samarbeid med nasjonale og internasjonale partnarar
Større moglegheiter for EU-finansiering
Auka synlegheit og posisjon i politikkutforming
Arbeidsgruppe:
Kirsten Hansine Helene Nygaard Bolstad, Seksjonsleder, Kreftklinikken
Halfdan Sørbye, overlege
Borghild Helene Sandøy Straume, rådgiver
Pål Ove Vadset, seksjonsleder, Forskings- og utviklingsavdelinga
Styringsgruppe:
Oddbjørn Straume, direktør Kreftklinikken
Christian Beisland, avdelingssjef Kirurgisk klinikk
Marta Ebbing, direktør Forskings- og utviklingsavdelinga
Linda Sleire, assisterende direktør Laboratorieklinikken
John-Helge Heimdal, direktør Kirurgisk klinikk
Sverre Lehmann, direktør Lungeavdelingen
Ingfrid Haldorsen, direktør Radiologisk avdeling
Astrid Marta Olsnes, Seksjonsleder Medisinsk klinikk
Lorentz Linde, direktør Kvinneklinikken
Evelyn Neppelberg, direktør Hode/hals klinikken
Maria Vollsæter, direktør Barne og ungdomsklinikken
Kor lang tid tek det å bli akkreditert?
Prosessen tek mellom 18 og 24 månader. Haukeland starta arbeidet i 2024.
Kva kostar det?
OECI-medlemskap: ca. 75 000 kroner per år
Sjølve akkrediteringsprosessen: ca. 518 000 kroner, i tillegg til interne arbeidsressursar
Kven er involvert?
Alle avdelingar som behandlar kreftpasientar deltek. Dette inkluderer mellom anna Kreftklinikken, Kirurgisk klinikk, Medisinsk klinikk, Laboratorieklinikken, Kvinneklinikken, Lungeavdelinga og Nevrokirurgisk avdeling.
Har du spørsmål kring akkrediteringa så kan de kontakte:
