Offisiele partnarar i Driv – Senter for kvinnehelseforsking, er Universitetet i Bergen, Helse Bergen, Høgskulen på Vestlandet, Bergen kommune og Haraldsplass diakonale sjukehus. I tillegg blir senteret støtta økonomisk av Trond Mohn forskningsstiftelse, Grieg Foundation, Kreftforeningen, Forskningsrådet og Norske kvinners Sanitetsforening.
Her kan du lese meir om Driv – Senter for kvinnehelseforsking
Kvart år får om lag 500 kvinner i Noreg diagnosa eggstokkreft. Diverre er overlevingsraten låg, og mange opplever tilbakefall. Line Bjørge, som er spesialist i fødselshjelp og kvinnesjukdomar ved Haukeland universitetssjukehus, leier eit prosjekt som har som mål å betra behandlinga av eggstokkreft.
