Kunngjering: Løyver midlar til forsking på medisinsk KI
Det medisinske fakultetet ved UiB, Helse Bergen og Trond Mohn forskingsstifting lyser ut til saman 69 millionar kroner til forsking på medisinsk kunstig intelligens (KI). Søknadsfrist er 15. oktober kl. 12.
Det skjer store framsteg innan kunstig intelligens, som også er med på å transformere medisinsk forsking, men det er framleis behov for meir kunnskap om korleis ein best kan utnytte potensialet i medisinsk KI.
Målet med utlysinga er å intensivere og styrke satsinga på medisinsk kunstig intelligens i Bergen.
Utlysinga rettar seg hovudsakleg mot forskingsmiljø som allereie nyttar medisinsk KI i si forsking, og er ei felles satsing mellom Trond Mohn forskingsstifting, Helse Vest og Det medisinske fakultetet ved Universitetet i Bergen.
Søknadsfrist for steg 1-prosjekt er 15. oktober 2025 kl. 12.00.
Last opp alle nødvendige dokument ved å bruke denne lenkja: First stage submission for Research Proposals in Medical AI