Innovasjonsmidlar

Eit innovasjonsprosjekt i offentleg sektor skal bidra til at offentleg sektor innoverer tenester, infrastruktur og forvaltning på ein berekraftig, systematisk og effektiv måte. Prosjekta blir gjennomførte i samarbeid med FoU-miljø og andre relevante aktørar.

Langsiktig forsking i samarbeid mellom FoU-aktive verksemder og forskingsmiljø styrkjer teknologioverføring, internasjonalisering og forskarutdanning. SFI-sentra varer i opptil åtte år og byggjer kompetanse som er viktig for innovasjon og verdiskaping.

Regionale forskingsfond Vestland har som formål å styrkje FoU-innsatsen hos bedrifter og FoU-miljøa i regionen. Fondet skal stimulere til samarbeid på tvers av fagområde, næringar og bransjar, og utvikling av nye forretningsområde eller nye næringar. Det er Vestland fylkeskommune som forvaltar ordninga.

Helse Vest RHF vil prioritere prosjekt som bidrar til gevinstar for helsetenesta gjennom meir optimal organisering og ressursbruk, eller som reduserer behovet for auka bemanning. Prosjekt med potensial for regional skalering blir særleg vektlagt.

Innovasjon Norge er eit av staten og fylkeskommunane sitt viktigaste verkemiddel for å fremje berekraftig vekst, nyskaping og eksport i norsk næringsliv. Dei tilbyr finansiering, rådgiving, kompetanseprogram, nettverk og profilering til gründerar og etablerte verksemder over heile landet.