Nasjonal satsing for deling av rekvisisjonane til pasienten

Tysdag 11. mars 2025 gav Operativ Styringsgruppe (OSG) tilslutninga si til igangsetjing av Pasientens Rekvisisjoner.  

Friare for pasientane – meir effektivt for helseføretaka 

Pasientens Rekvisisjoner skal innføre ei løysing for elektronisk deling av rekvisisjonar på tvers av helsetenestene. Pasienten skal stå friarar til å velje prøvetakingsstad, samtidig som løysinga gjer samhandling mellom helsetenestene enklare og meir effektiv. 
 
- Løysinga kan på mange måtar samanliknast med e-resept der pasientane kan gå til kva apotek som helst for å hente ut medisinar på resept. Og det kan gi stor frigjering av tid i helsetenestene, og stor betring av pasienttryggleik samanlikna med dagens praksis, seier Bjørn Fagerlund. 

Samarbeid nasjonalt: Produksjon i desember er målet 

Løysinga skal realiserast gjennom eit samarbeid mellom Helse Vest, Helse nord, Helse sør-aust, NHN og DIPS. Prosjektet startar med rekvisisjonar som blir delte mellom Spesialisthelsetjenesten (sjukehusa) og Primærhelsetjenesten (fastlegane).  

- DIPS Arena AOM og DIPS Interactor, kombinert med ei ny teneste frå NHN som rekvisisjonshotell vil vere sentrale komponentar i løysinga. Det er lagt opp til ei tidslinje med mål om skarp utprøving, altså sat i produksjon, allereie i desember i år, seier Bjørn. 

Pasientar blir kopla på via Helsenorge 

I dei følgjande fasane av prosjektet vil dei andre helsetenestene og pasientar koplast på løysinga, sistnemnde via Helsenorge.  
 
- Målet med prosjektet er å digitalisere rekvisisjonen og dermed eliminere behov for å distribuere rekvisisjonen på papir eller ved andre variantar som innkallingsbrev. Løysinga vil vere ein viktig føresetnad for å kunne vesentleg auke samhandlinga mellom helsetenestene og pasientane.