Gode nyheiter om formalkompetanse i palliativ medisin
20. mai 2025 vedtok Stortinget følgande: «Regjeringen bes etablere palliativ medisin som påbyggingsspesialitet så snart som mulig for å sikre nødvendig og spesialisert kompetanse innen lindrende behandling.» (Vedtak 704) «Stortinget ber regjeringen sikre at det ikke blir opphold i videreutdanningen i palliativ medisin, at kompetanseområdet videreføres inntil en tilfredsstillende spesialistordning er på plass, og at leger med godkjent kompetanseområde godkjennes som spesialister.» (Vedtak 705)
Saman med Norsk forening for palliativ medisin har de fire kompetansesentera i lindrande behandling (Nord-, Midt-, Sør-Øst- og Vest-Norge) alt nedsett ei arbeidsgruppe for eit nytt norsk spesialistkurs i palliativ medisin. Vidare avklaringar i dette arbeidet vert forventa i næraste framtid frå dei regionale utdanningssentera for legar i spesialisering (RegUt) og Helsedirektoratet.
Helseminister Vestre har også uttalt eit ønskje om å breie ut palliasjons-kompetansen i alle aktuelle spesialitetar og på ulike nivå av helsetenestene. Korleis dette skal gjerast, er foreløpig ikkje konkretisert.