Nettverk av fysio- og ergoterapeutar i Helse Fonna

Fysioterapi- og ergoterapinettverket består av om lag 30 ressurspersonar frå fysioterapi- og ergoterapieiningar i Helse Fonna og kommunane i Helse Fonna føretaksområde.

Nettverket er leia av ei driftsgruppe på fem personar med representantar frå Helse Fonna, Karmøy kommune og Suldal ​kommune. Driftsgruppa har ansvar for å drifte nettverket og arrangere samlingar i samsvar med strategidokument, aktuell årsplan og kompetanseplan.

Målet for fysioterapi- og ergoterapinettverket er å:

• Auke fysioterapeutar og ergoterapeutars kompetanse, interesse og engasjement for palliasjon.
• Skapa eit forum for samhandling mellom fysioterapeutar og ergoterapeutar på dei ulike nivåa og dermed fremme samarbeid og behandlingsflyt i fysioterapi- og ergoterapitenesta.
• Fremme samarbeid med andre faggrupper.