Ny opplæringspakke om lindrande behandling og omsorg gratis tilgjengeleg
Pakka skal bidra til å heve den grunnleggande kompetansen i palliasjon hos sjukepleiarar, helsefagarbeidarar og assistentar i den kommunale helse- og omsorgstenesta. Opplæringspakka er utvikla av Aldring- og helse, på oppdrag frå Helsedirektoratet, som ein del av oppfølginga av Stortingsmeldinga om palliasjon - Melding St. 24 (2019-2020).
Opplæringspakka som består av to temahefter og læringsressursar i form av film- og casebank med refleksjonsspørsmål, kan nyttast til intern kompetanseheving i kombinasjon med sjølvstudium og refleksjonsgruppe. Eigne ressursar er tilgjengeleg for den som er gruppeleiar.
Ein kan også nytte læringsressursane fritt til mellom anna internundervisning.
All informasjon er samla på nettstaden til Aldring- og helse Palliasjon: Lindrende behandling og omsorg (aldringoghelse.no)