Hei, du må oppdatere nettleseren din for å kunne besøke oss.

Muskelklinikken

Muskelklinikken tilbyr utgreiing og oppfølging av pasientar med nevromuskulære sjukdomar også kalla muskelsjukdomar. Tilbodet blei etablert i 1998 og er ein del av behandlingstilbodet til Nevropoliklinikken.

 

Utgreiing av muskelsjukdomar

Arbeidet med å diagnostisere desse sjukdomane blir utført av to legar gjennom klinisk vurdering og gjennom diverse undersøkingar. I tillegg blir det ofte utført prøvetaking av muskelen.

Dersom det er spørsmål om arvelege muskelsjukdomar vil prøver bli sendt til norske og utanlandske laboratorium for genetisk testing. Legane sørger for at diagnosen blir så presis som mogleg og tilviser deg til andre spesialistar som lungelege og hjartelege. Legane har også god kompetanse om muskelsjukdomar og har kunnskap om ny forskning. Samtidig med utgreiinga blir pasientar med behov for det tatt vare på av eit tverrfagleg team.

Tverrfagleg team i muskelklinikken

Tverrfagleg vurdering er ein viktig del av behandlingstilbodet. Vanlegvis har pasientane fått ein diagnose når dei kjem til tverrfagleg vurdering, men nokon har behov for tverrfagleg hjelp før utgreiinga er ferdig eller fordi det er vanskeleg å fastsette ein diagnose.

Det tverrfaglege teamet fungerer som ei bru mellom spesialist- og primærhelsetenesta med formidling av praktisk hjelp som den viktigaste oppgåva. Teamet består av sjukepleiar, fysioterapeut, ergoterapeut og sosionom og i tillegg blir faggrupper som ernæringsfysiolog og logoped involvert ved behov. 

Sjukepleiaren har ansvar for å kalle inn pasientar til tverrfagleg vurdering og planlegge og koordinere den polikliniske timen.

Ved spørsmål om timeavtalen eller andre spørsmål om sjukdomen din kan du nå sjukepleiaren på telefon: 55 97 51 20.

Fysioterapeuten vurderer den fysiske funksjonen med mål om å bevare muskelkraft så lenge som mogleg. I tillegg er det viktig å bevare leddrørsle, muskellengde og god kroppshaldning. Dette vil igjen bidrar til å bevare fysisk funksjon, forflyttingsevne, motverke smerter og sikre gode pusteforhold. 
 
Fysioterapeuten gir råd og rettleiing om hjelpemiddel, og hjelper til med å komme i kontakt med fysioterapeut på heimstaden.
 

Ergoterapeuten kan hjepe deg med å tilrettelegge aktivitetar i kvardagen heime, på skule eller arbeid, og i fritida. I tillegg gis informasjon, råd og rettleiing om bustad, hjelpemiddel og energiøkonomisering. 
 
Ergoterapeuten samarbeidar med ergoterapeut i kommuna.
 

Sosionomen hjelper deg med sosiale, praktiske og økonomiske spørsmål i kvardagen og bistår mellom anna ved behov for:
  • Tilrettelegging av abeidsforhold
  • Hjelp og assistanse i dagleglivet
  • Informasjon om trygderettigheiter
  • Søknadar om praktisk hjelp og økonomisk støtte i kommuna
  • Spørsmål og tankar om situasjonen

Kontakt

Telefon Sjukepleiar:

  • Måndag - Fredag 08:00 - 15:30
  • Laurdag - Søndag STENGT

Slik finn du fram

Oppmøtestad

Poliklinikken held til i 2. etasje i Gamle hovudbygg. Følg svart stripe i golvet til ekspedisjonen.

Gamle hovedbygg

Jonas Lies vei 71

5053 Bergen

Finn fram

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
  • Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Sjå rutetabellar og oversikt over stoppestader på Skyss.no

Sjekk nettsida til Flybussen for meir informasjon om ruter og prisar

 

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.

​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss/bane det siste stykket opp til Haukeland​. 

​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.
 

Praktisk informasjon

I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

Meir informasjon om sjukehusapoteket i Sentralblokka

Opningstider
Måndag-fredag kl. 08.30-17.00

Telefon 55 97 53 44
Telefaks 55 29 07 40
bergen@apotekene-vest.no

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.​

Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.

 

Når du skal på besøk eller følgje ein pasient på sjukehuset, må du gjere deg kjent med gjeldande rutinar.

​Les meir om besøkstider og -reglar på sjukehuset

Som inneliggande pasient vil du få matservering på avdelinga du ligg på. I tillegg kan du og besøkande kjøpe alt frå dagens middag til smårettar, bakevarer og kioskvarer på sjukehuset. I nærmiljøet finst også fleire daglegvarebutikkar.

Les meir om mattilbodet ved sjukehuset

​Utgreiing og behandling vil vere avhengig av god kommunikasjon og kartlegging av grundig sjukdomshistorikk. Derfor ber vi deg gi beskjed om du har behov for tolk under pasientsamtalane og undersøkingane så tidleg som mogleg. Dette gjeld om du til dømes har hørsels- eller synshemming, eller om du har eit anna morsmål og snakkar lite norsk.

Les meir om tolketenester og dine rettar som pasient

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

 
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
 
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din.