Hei, du må oppdatere nettleseren din for å kunne besøke oss.
Magnetisk resonans

MR

Ved MR-undersøking ligg du i eit magnetfelt. Bilda blir produserte ved hjelp av ein kombinasjon av magnetfelt, radiobølger og datateknologi. MR-undersøking inneber inga form for røntgenstråling.

MR gir spesielt god framstilling av forandringar i:   

  • muskulaturen 
  • bindevevet 
  • sentralnervesystemet 

MR kan også brukast til å vise sjukdomsforandringar blant anna i:   

  • hjernen
  • skjelettet 
  • hjartet og lungene
  • brystet 
  • blodårar 
  • nyrer og urinvegar
  • buken 
  • tarmen

I kvart enkelt tilfelle vurderer vi om det er behov for å sette MR-kontrast intravenøst. 

Tilvising og vurdering

For å få behandling i spesialisthelsetenesta treng du tilvising. Fastlegen er den som oftast tilviser. I nokre tilfelle kan anna helsepersonell tilvise deg, til dømes til biletundersøkingar (MR, CT eller røntgen). Når vi har fått tilvisinga, vil du få svar på om du har rett til behandling i spesialisthelsetenesta.

Les meir på helsenorge.no

På grunn av magnetfeltet må tilvisinga innehalde informasjon om     

  • innoperert metall eller elektronikk i kroppen
  • pacemaker eller hjartestartar (ICD)
  • nevrostimulator
  • ventrikuloperitoneal /-atrial shunt
  • innoperert høyreapparat
  • klips på blodkar i hovudet
  • metallsplint i auge
  • pasienten er gravid  

Annan nødvendig informasjon i tilvisinga 

  • om pasienten har nyresvikt
  • om pasienten er ute av stand til å ligge stille og på rygg
  • om pasienten har behov for tolk, og kva språk pasienten snakkar.

 

     

Før

Ved framkomst til MR‐området, vil du bli stilt ein del spørsmål munnleg for kontroll. Gjenstandar av metall kan bli påverka av det kraftige magnetfeltet eller forårsake forstyrringar i bilda. Vi treng derfor å vite om du har: 

  • pacemaker eller pacemakerleidningar 
  • innoperert høyreapparat (kokleaimplantat) 
  • andre innopererte gjenstandar i kroppen som kan vere av metall (som stent, plater, protesar, shunt, graft, hjarteklaffar, koilar) 
  • har klips på blodkar i hovudet  
  • har metallsplint i auge og eventuelle tidlegare operasjonar i auget 
  • er gravid  
  • tatoveringar 
  • infusjonspumpe (f.eks insulin eller morfin) eller nevrostimulator 
  • nevrostimulator 
  • arm‐, bein‐ eller leddprotesar 
  • røykeplaster, smerteplaster 

Sølvkompress og sinksalve som kan brukast på sår, kan også forstyrre bildetakinga på grunn av metallinnhald. Skal du undersøke hovudet må augeskugge fjernast, da denne kan innehalde små delar av metall som kan gi forstyrringar på bilda. 

Metallgjenstandar kan trekkast inn mot MR-apparatet i stor fart og må fjernast før undersøkinga: 

  • Metallgjenstandar som mobiltelefon, klokker, briller, kulepennar, nøklar, hårnåler og smykke. Desse kan trekkast inn mot apparatet i stor fart.  
  • Bank- og kredittkort. Desse kan bli øydelagde av magnetfeltet
  • Høyreapparat og tannprotesar. Desse kan bli påverka av magnetfeltet.  
  • Augesminke. Den kan innehalde små delar av metall som kan gi forstyrringar på bilda.
  • Piercingar bør fjernast da dei kan bli varme.  

Personalet vil sørge for at desse gjenstandane blir oppbevarte trygt i ein sikkerheitsboks. Dersom du bruker medisinar, kan du ta dei på vanleg måte. 

MR-undersøking og bruk av kontrastmiddel 

I nokre tilfelle må vi sette kontrastvæske i blodet, dette er avhengig av kva ein skal sjå etter på bilda. Da får du eit tynt plastrøyr (venekanyle) lagt inn i blodåra di. Kontrasten blir sett i venekanylen. Dersom det er aktuelt å gi deg kontrastvæske under undersøkinga, vil legen din ved behov bestille nyrefunksjonsprøve (blodprøve) som du må ta før du kjem til MR-timen. Er dette tilfelle for deg vil det stå i innkallingsbrevet ditt. MR-kontrast gir sjeldan biverknader i form av allergiliknande reaksjonar. 

Dersom du skal undersøke magen må du ofte faste nokre timar på førehand. Dette får du beskjed om i innkallingsbrevet. Om du ikkje skal faste, kan du ete og drikke som du pleier.  

Har du klaustrofobi? 

Sjølv med litt klaustrofobi klarer dei aller fleste å gjennomføre undersøkinga. Du bør ta kontakt med avdelinga før undersøkinga dersom du trur dette kan bli eit problem for deg. Vi har ulike måtar vi kan hjelpe deg på. Dersom du har vondt for å ligge og/eller treng hjelp til å slappe av, må du be fastlegen om smertestillande/avslappande medikament i forkant av undersøkinga. 

Gravid 

Ved medisinsk hast blir gjord MR av gravide pasientar. Men vi er særleg tilbakehaldne med MR-undersøking av gravide dei 3 første månadene, sjølv om det ikkje er påvist skadelege verknader av magnetfeltet eller radiobølgene. 

Amming 

Overgang av kontrastmiddel til morsmjølk er minimal, og du kan ta MR sjølv om du ammar. 

MR av barn 

Undersøking av barn går føre seg på same måte som på vaksne, men med litt ulik tilpassing. 

MR av barn

Under

Under undersøkinga ligg du på ein benk som blir ført inn i ei røyrforma maskin som er open i begge endar. Du ligg med hovudet eller beina først avhengig av kva område på kroppen du skal undersøke. Området vi skal undersøke må ligge midt i MR-skannaren. Det er viktig at du ligg heilt stille for at bildekvaliteten skal bli god.  

Mens opptaket går føre seg, høyrer du ei rekke bankelydar. Du får øreproppar og/eller høyrselsvern som dempar bankelyden. 

Mens bilda blir tatte blir du overvakt av personalet frå eit anna rom, men kan kommunisere via mikrofon. Du får ein alarm i handa for å kunne kontakte personalet. 

Har du behov for å ha med pårørande, kan desse sitte inne med deg mens undersøkinga går føre seg. MR-sjekklista gjeld også for pårørande som skal vere i rommet.  

Skal du undersøke bekkenorgana og/eller tarm, kan det også vere nødvendig å sette ei sprøyte med eit stoff som får tarmen til å slutte å bevege seg ei lita stund. Tarmrørsler kan gi forstyrringar i bilda. 

Undersøkingstida varierer frå 15 minutt til 90 minutt, avhengig av kva område du skal undersøke og kor mange bilde vi skal ta. 

Gjer det vondt? 

Undersøkinga gjer ikkje vondt i seg sjølv, men det kan vere vanskeleg å ligge stille. Det er derfor viktig å finne ei stilling som er behageleg. Du får puter og anna støtte slik at du klarer å ligge stille.  

Du kan oppleve å bli varm under undersøkinga. Dette er ikkje vondt eller farleg. Denne kjensla gir seg når undersøkinga er over. 

MR-undersøkingar og kontrastmiddel 

I nokre tilfelle må vi sette MR-kontrast i blodet. Da får du eit plastrøyr (venekanyle) lagt inn i ei blodåre. Kontrasten blir sett inn i venekanylen. Dersom det kan vere aktuelt å gi deg kontrast under undersøkinga skal legen din bestille nyrefunksjonsprøve (blodprøve) som du må ta før du kjem til MR-timen. Er dette tilfelle for deg vil det stå i innkallingsbrevet ditt. MR-kontrast gir sjeldan biverknader i form av allergiliknande reaksjonar. 

Når kontrasten passerer gjennom organa i kroppen, blir det tatt bilde i serie av dei aktuelle organa. Når kontrastvæska blir gitt, vil du sannsynlegvis ikkje merke nokon ting 

Amming og kontrastmiddel 

Overgang av kontrastmiddel til morsmjølk er minimal, og det er ikkje forventa at spedbarnet blir påverka. I nokre tilfelle vil vi anbefale å kassere morsmjølka dei første 24 timar etter undersøkinga. Du kan også diskutere dette med den tilvisande legen din. 

 

Etter

Dersom du er innlagd på sjukehuset kjem du tilbake til avdelinga. Om du har fått kontrastvæske, må du vente til det har gått 30 minutt. Elles kan du reise rett heim når du er ferdig. Har du fått roande medikament bør du ikkje køyre bil sjølv. 

Resultatet av undersøkinga  

Bilda blir granska av ein radiolog (røntgenlege) som lagar ein skriftleg rapport av kva bilda viser. Kunstig intelligens kan brukast som hjelpemiddel både under bildedanning og ved gransking. 

Rapporten blir send til den som tilviste deg. Bilda og rapporten blir lagra i journalsystemet vårt. 

Når og korleis du får resultatet av røntgenundersøkinga avheng av behandlingsstad. 

Ver merksam

Medisin mot tarmrørsler

Dersom du skal til ei undersøking der det er nødvendig å gi medisin for å dempe tarmrørsler, vil du få informasjon i timetildelingsbrev/innkallingsbrev om medikamentet. Nokre pasientar kan oppleve forbigåande påverknad av synet i form av å sjå uklart og /eller vanskar med å fokusere blikket. Dersom du opplever dette, rår vi deg til å vente med å køyre bil til denne effekten har minka, normalt innanfor 45 minutt etter medikamentet er gitt. 

MR-undersøking og bruk av kontrastmiddel

Sjølve MR‐undersøkinga gir ingen biverknader.  

Dersom det må givast kontrastvæske, kan dette ein svært sjeldan gong gi biverknader som t.d. kvalme eller kløe i huda. Ta kontakt med lege dersom du får plagsame utslett etter undersøkinga. I nokre tilfelle vil vi be pasienten ta ei blodprøve for å avklare nyrefunksjonen til pasienten.

Sist faglig oppdatert 05.01.2026

Kontakt

Sentralblokka Radiologisk avdeling, MR-seksjonen

Kontakt Radiologisk avdeling, MR-seksjonen

Oppmøtestad

Radiologisk avdeling, MR held til i både 1. etasje, 0. etasje og Underetasjen (U) i Sentralblokka (Sjå nærare informasjon i tilsendt brev om kva av etasjane du skal møte til timen din).
Flyfoto av Sentralblokka

Sentralblokka

Haukelandsveien 22

5021 Bergen

Finn fram
En hvit bygning

Kysthospitalet i Hagevik

Hagaviksbakken 25, 5217 Hagavik

Finn fram
En hvit bygning ved foten av et fjell

Voss sjukehus

Sjukehusvegen 16

5704 Voss

Finn fram

Transport

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
  • Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Sjå rutetabellar og oversikt over stoppestader på Skyss.no

Sjekk nettsida til Flybussen for meir informasjon om ruter og prisar

 

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.

​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss/bane det siste stykket opp til Haukeland​. 

​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.
 

Reiseutgifter
Som regel gjennomfører du reisa di på eiga hand og søker om å få dekt reiseutgiftene i etterkant.
Les meir om å få dekt ei pasientreise

Planlegging
I utgangspunktet vel du sjølv kva transportmiddel du reiser med til behandling.
Les meir om planlegging av pasientreisa di

Rettar/Rettane dine
Hovedregelen er at pasientreiser bli dekt med ein standardsats per kilometer. Ved behov kan også nødvendige tilleggsutgifter bli dekt.
Les meir om rettane dine ved pasientreiser

Tilrettelagt transport
Helseekspressen
Avdeling for pasientreiser i Helse Bergen ​

​I Sentralblokka på Haukeland finn du ein taxihaldeplass der det som regel står ledige bilar. Ved behov er våre tilsette i resepsjonen tilgjengelege 24 timar i døgnet og kan bestille taxi til deg.

Om du kjem med bil frå Bergen:

  • Følg E39 mot Halhjem/Stavanger til du kjem til avkøyrsel 64. 
  • Ta andre avkøyrsel i rundkøyringa og følg vegen i ca 4 km til du ser sjukehusskiltet.

Om du kjem med bil frå Halhjem:

  • Følg E39 mot Bergen.
  • Ta avkøyrsel 64, ta andre avkøyrsel i første rundkøyringa og første avkøyrsel i neste rundkøyring - og følg vegen ca. 4 km til du ser sjukehusskiltet.


Buss frå Bergen:

  • Rute 600 til Tøsdalsskiftet og derfra rute 602/607 Hagavik.
Buss frå Bergen lufthavn Flesland:

  • Bybanen til Lagunen terminal og deretter bussrute 600 til Tøsdalsskiftet, og så rute 602/607 til Hagavik.​

Buss frå Halhjem:

  • Rute 600 til Tøsdalsskifet og derfra rute 602/607 til Hagavik.

Det er ca 500 meter å gå frå busstoppet ned til sjukehuset.

Reisetid til Voss frå:

  • Bergen med bil, ca. 1 t 30 min.
  • Flesland med bil, ca. 1 t 45 min.
  • Stavanger med bil, ca 6 t 30 min.
  • Oslo med bil, ca 6t 30min

​​Kjem du frå Hardanger eller Sogn, er buss ein alternativ reisemåte:

Det går buss frå sentrum til sjukehuset. Rute 965 stoggar ved sjukehuset og Rute 964 stoggar i Ringheimsvegen, nokre minutt gåtid frå sjukehuset. For nærare informasjon om rutetider, sjå Skyss sin ruteplanleggar  for rutene 964 Ringebuss Skjerpe/Sivlevegen og 965 Sentrumsringen. 

​​Det er parkeringsavgift på sjukehusområdet måndag – fredag mellom kl 09.00-17.00.

Prisar 

Kr 15 ,- pr. time og kr 40,- pr. døgn. Langtidsparkering inntil 7 døgn er mogleg. 
Du kan betale med kort, kontant eller mobil.

Sjukehuset har ikkje tilbod om lading av el-bilar for pasientar. Ladestasjonar finn ein i sentrum og ved Tinghuset, i parkeringshuset Vossapark og i Strandavegen .  

​​Voss Taxi
Telefon ​56 51 13 40​

Bergensbanen ved Voss sentrum, og det går hyppig tog mellom Voss og Bergen. 

Reisetid til Voss frå: 

  • Bergen med tog, ca 1t og 20 min​
  • Oslo med tog, ca. 5 t 30 min.

Informasjon om togtider finn du på Vy sine nettsider​

Praktisk informasjon

I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

Meir informasjon om sjukehusapoteket i Sentralblokka

Opningstider
Måndag-fredag kl. 08.30-17.00

Telefon 55 97 53 44
Telefaks 55 29 07 40
bergen@apotekene-vest.no

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.​

Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.

 

Når du skal på besøk eller følgje ein pasient på sjukehuset, må du gjere deg kjent med gjeldande rutinar.

​Les meir om besøkstider og -reglar på sjukehuset

Frivillige på Haukeland er her for å gjere pasientar og pårørande sitt møte med sjukehuset betre. Alle i frivilligheitstenesta er kledd i raude vestar og har fått kursing om rolla. 


Dei frivillige kan vise veg, vente saman med pasientar, bli med på luftetur i parken eller nærområde - og mykje meir. 

Meir informasjon på helse-bergen.no/frivillig

Kontaktinformasjon: 

Som inneliggande pasient vil du få matservering på avdelinga du ligg på. I tillegg kan du og besøkande kjøpe alt frå dagens middag til smårettar, bakevarer og kioskvarer på sjukehuset. I nærmiljøet finst også fleire daglegvarebutikkar.

Les meir om mattilbodet ved sjukehuset

Telefon resepsjon: 55 97 50 00

I tillegg til resepsjonen i foajeen i Sentralblokka, har alle poliklinikkane på sjukehuset eigen resepsjon. Her kan du få hjelp med alt frå betaling til bestilling av transport.

​​​​​​​​Besøke pasientar
Skal du besøke ein pasient? Vi kan gi deg informasjon om kvar du finn dei ulike avdelingane og sengepostane på sjukehusområdet.

Betale eigendel
Du kan betale eigendel for polikliniske konsultasjonar i resepsjonen mellom klokka 07.00 og 21.00. Ver merksam på at poliklinikkane berre tar imot betaling med kort.

Bestille drosje
Om du ønskjer det, hjelper vi deg gjerne med å bestille drosje. Berre ta kontakt i resepsjonen.

Leitar du etter ei avdeling?
​Sjå avdelingsoversikta

Resepsjonen i foajeen i Sentralblokka er døgnbemanna og hjelper deg i tillegg med:

Lån av rullestol
Resepsjonen låner ut rullestolar til bruk på sjukehuset. For lån av rullestol er det 200 kroner i depositum. ​

Følgeteneste
Vi tilbyr følgeteneste, der ein tilsett kan følge deg til og frå poliklinikkane, til røntgen og til Laboratorium for klinisk biokjemi. Vi har også rullestol om du treng det.

Følgeteneste har vi frå klokka 07.00 til 15.00. Direkte telefonnummer til følgetenesta er 55 97 20 06.

Oppbevaringsboksar
Vi har oppbevaringsboksar, om du treng dette. Avhengig av storleik på boksen, kostar dette 20 eller 30 kr. per døgn.

Hittegods
Vi tar imot hittegods, og leverer ut hittegods dersom dette er levert same dag eller same helg. Etter dette blir hittegodset levert til Drift/teknisk kundesenter.​​

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

 
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
 
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din. 

​Det er gratis parkering på området til Kysthospitalet i Hagevik. 

Kontakt personalet dersom du kjem utanom visittid eller vedkommande pasient er isolert. Nokre viktige hugsereglar:

  • Ta ikkje med potteplantar til pasientar.
  • Unngå å sitje på sengekanten, bruk stol.
  • Vær nøye med hygiene, vi tilrår vask av hendene etter besøk hjå inneliggjande pasientar.

​​​Generell besøkstid
​15.00 - 16.00 og 18.00 - 19.00

Intensivavdeling
​Vend dykk i vaktrommet for avtale om besøk​

Føde-/barselavdelinga
​
Gje mor, partnar og dei nyfødde borna ro

Dei aller fyrste dagane med den nyfødde er det viktig at familien får mest mogleg ro og kvile. Dette for å bli godt kjend med kvarandre samt at mor skal får nok ro og tid til å kome godt i gang med amminga. Me anbefalar også at den fyrste tida heime vert avgrensa til dei aller nærmaste.
Partner/ ledsager / den eine nærmaste pårørande er velkomen til barselavdelinga på dagtid mellom 09 og 20. Dersom mor ligg på rom saman med ei anna barselkvinne er det fint at dei vert einige seg i mellom i forhold til besøk slik at det også vert rom for ro og kvile.

For andre besøkande tillet me kun besøk av den nyfødde sine sysken mellom 17.00-18.30.

Her finn du litt informasjon om kven du vil møte, og litt om kva reglar som gjeld for deg som pasient når du er innlagt på sjukehus.

​​Pasientar som blir innlagt for øyeblikkeleg hjelp har ikkje moglegheit til å planlegge sjukehusopphaldet. Men dersom du mottar innkalling på førehand, kan det vere greit å førebu seg litt.

Personalet har namneskilt med tittel, slik at du skal kunne sjå kva yrkesgruppe kvar enkelt tilhøyrer. Du kan sjølvsagt også spørje vedkomande direkte viss du er i tvil om kven du møter. Her er ei liste over dei yrkesgruppene du vanlegvis vil møte på sjukehuset:
​​​

  • Lege ​og sjukepleiar har hovudansvaret for deg når du er innlagt på sjukehus​
  • ​Bioingeniør kjem til avdelinga kvar morgon for å ta blodprøvar eller andre prøvar
  • Radiograf førebur og utfører CT-, MR- og røntgenundersøkingar av deg på Radiologisk avdeling.
  • Fysioterapeut hjelper deg med å førebygge funksjonsvanskar som følge av for eksempel operasjonar. Kan også hjelpe deg med å få tilbake tapt bevegelsesevne, eller til å lære deg å leve vidare med endra funksjonsnivå.
  • Ergoterapeut hjelper deg med å fungere best mogleg i dagleglivet etter skade og sjukdom, og legg til rette praktisk hjelp.
  • Sosionom gir deg informasjon om forskjellige hjelpetiltak og kan formidle kontakt med aktuelle instansar, for eksempel helse- og sosialetaten eller pasientombodet.
  • Klinisk ernæringsfysiolog hjelper deg å leggje om kosthaldet dersom nødvendig.
  • ​Studentar og spesialistkandidatar. Voss sjukehus er ein del av Haukeland universitetssjukehus, som årleg utdannar eit par tusen helsearbeidarar. Det betyr at studentar og spesialistkandidatar av og til er med i samband med undersøkingar, pleie og behandling under opphaldet. Dette ber vi deg vere merksam på og ha forståing for.