Utlysing korttidsstipend Habilitering

Utlysing av korttidsstipend 

Regionalt kompetansesenter for habilitering og rehabilitering i Helse Vest ønsker å stimulere til fagutvikling, kompetanseformidling og forskning. Det vert no lyst ut følgande korttidsstipend for tilsette ved HABU og HAVO i Helse Vest: 

1) Utvikling av læringsressursar 

Formål  

Stipendet skal bidra til å støtte habiliteringstenestene i å utvikle, vidareutvikle eller ferdigstille læringsressursar som styrker fagutvikling, kompetansespreiing og kvalitetsforbetring i tenestene. Målet er å legge til rette for kunnskapsbasert praksis, auka tilgjengeligheit til fagstoff og styrka kompetanse hjå fagpersonar, pasientar, pårørande og samarbeidspartnarar. 

Kva kan det søkast stipend til? 

• Utarbeiding av faglege rettleiarar, opplæringspakker eller digitale læringsmodular.

• Utvikling av undervisningsmateriell, e‑læringskurs, veiledningsfilmer eller podkaster.

• Revidering eller vidareutvikling av eksisterande læringsressursar der det er behov for oppdatering eller kvalitetssikring. 

• Materiale retta mot fagpersonell, pasientar, pårørande eller tverrfaglege samarbeidspartnarar. 

Stipendet kan dekke arbeidstid knytt til planlegging, innhaldsutvikling, kvalitetssikring, strukturering og ferdigstilling av læringsressursane. Kostnader knytt til bruk av eksterne personar kan inngå. 

Det skal vere ein plan for målgruppe, formål og metodikk. Læringsressursen skal publiserat eller gjerast tilgjengeleg på ein plattform som sikrar åpen tilgang for relevante brukarar. 

Søknadsmal

2) Formidling - disseminering 

Formål 

Stipendet skal gi støtte til formidling av kunnskap gjennom publisering av ein artikkel. Stipendet skal fremje fagleg utvikling, auke kunnskapsgrunnlaget, dokumentere effekt og nytte av tiltak i fagfeltet, og fremje vidare teoriutvikling. Formidlinga skal bidra til auka kunnskap blant fagfolk, beslutningstakarar, pasientar og tverrfaglege samarbeidspartnarar. 

Kva kan det søkast stipend til? 

Det kan søkast stipend for å skrive artikkel basert på gjennomført arbeid frå; 

• forskiingsprosjekt 

• praksisfelt 

• prosjektarbeid 

• masteroppgåve (veileder må bekrefte at masteroppgåva har potensiale for å bli publisert som artikkel) 

Datamaterialet skal vere analysert og hovudresultata skal vere klare. 

For vitenskapelege fagfellevurderte artiklar er det forventa publisering i nasjonalt eller internasjonalt tidsskrift. Det vert stilt krav om at artikkelen skal vere åpent tilgjengeleg. Artiklar vert ansett som åpent tilgjengelege når dei vert publisert i indekserte tidsskrift med Open Access eller når artikkelen etter publisering vert arkivert i fagspesifikke digitale arkiv med ubegrensa offentleg tilgang.  

Stipendet kan dekke arbeidstid knytt til skrivetid, språkvask og publiseringskostnader. 

Søknadsmal

3) Utarbeide prosjektbeskrivelse - forskning 

Formål  

Stipendet skal støtte habiliteringstenestene i å utarbeide fullverdige og konkurransedyktige prosjektbeskrivingar for forskingsprosjekt som skal søke eksterne forskningsmidlar. Stipendet skal gi klinikarar, FoU‑personell og samarbeidspartnarar nødvendig tid og kapasitet til å vidareutvikle idéar til strukturerte forskingsprosjekt med tydelig problemstilling, metodisk forankring, vurdering rundt gjennomføring og plan for samarbeid og brukarmedverknad. 

Prosjektskisse skal vere utarbeidd, og vere forankra hjå leiar i eigen habiliteringsteneste 

Kva kan det søkast stipend til? 

Stipendet kan dekke arbeidstid for utarbeiding av prosjektbeskriving.  

Søknadsmal

Omfang og rammer for korttidsstipend 

Det er ikkje lyst ut eit fast rundsumsbeløp eller eit bestemt tidsomfang for dei ulike stipenda. Som rettleiande norm legg kompetansesenteret til grunn eit arbeid tilsvarande om lag tre månader for å utarbeide prosjektbeskrivingar (2), og til formidlingsstipend (3). Søker må difor utarbeide ein konkret plan for ressursbehov i prosjektperioden. Planen skal omfatte økonomiske kostnader, bemanningsressursar og eventuelle andre nødvendige bidrag (for eksempel ekstern bistand, frikjøp eller interne fagpersonar). Ressursbruken skal vere realistisk, tydeleg beskrive, og forankra hjå nærmaste leiar. Alle søknader må vere forankra på leiarnivå (klinikk/avdeling). Tilsetjing i midlertidig stilling ved kompetansesenteret kan vere aktuelt ved tildeling. 

Rettleiing

I tillegg til økonomiske midlar kan kompetansesenteret tilby fagleg støtte i form av rettleiing gjennom heile prosjektperioden. Dette kan omfatte hjelp til idéutvikling, avklaringar rundt metode og struktur, drøfting av faglege problemstillingar, sparring på prosjektplan og framdrift, og bistand i forbindelse med implementering, formidling eller publisering. Omfang og form for rettleiing vert tilpassa etter søkarens behov og ønsker inn i prosjektet. 

Søknadsfrist: 15.april 

Vidare prosess:  

Kompetansesenteret vil, basert på innkomne søknader, utarbeide eit forslag til tildeling. Forslaget vil omfatte ei vurdering av prosjektforslaga, samla ressursbehov og kva som er moglg innanfor tilgjengelege økonomiske rammer. Dette forslaget vert lagt fram for leiarnettverket for drøfting før endeleg tildeling vert vedtatt. 

Kontaktinformasjon:  vegard.pihl.moen@helse-bergen.no