Norec Malawi 2025-28

Sør-partnar: Kamuzu Central Hospital (KCH) og Lilongwe Institute of Orthopaedics & Neurosurgery (LION)

Fagområde: Rehabilitering og sjukepleie

I Malawi er det høg førekomst av trafikkulukker som resulterer i alvorlege og kompliserte skadar, som krevjar god og grundig behandling i fleire behandlingsledd. Gjennom utveksling av kompetanse og mengdetrening for tilsette ønskjer vi å styrkje pasienttryggleiken og pasienttenestene innan sjukepleie og rehabilitering. Tilsette skal få auka kompetanse og ferdigheiter i pasientbehandling, jobbe med å forbetre pasientflyten i avdelingane, vere medviten si rolle og sine handlingar i rehabiliteringsarbeidet, og leiarar skal få opplæring i effektiv organisering av team. I tillegg er det eit ønske om å drive førebyggande arbeid for å redusere talet på trafikkulukker og auke kompetansen ved distriktssjukehusa for å redusere komplikasjonar etter utskriving.