Smertelindring etter øyre-nase-hals-operasjon hos barn og unge

Dosering av smertestillande

• For riktig dosering av smertestillande, følg skjemaet «Smertelindring etter ØNH‑operasjon for barn og unge» som du får utdelt på sjukehuset.
• Gi barnet smertelindring ut frå barnet si vekt.
• Barnet skal ta paracetamol og ibuprofen/diklofenak kvar dag.
• Merk at dosen av paracetamol er ulik for «dag 1–2» og «dag 3 og utover».
• Smertestillande får du kjøpt på apotek. Nokre typar (for eksempel paracetamol) finst også i daglegvarebutikk, men utvalet er avgrensa.
• Barnet kan få mikstur, tablettar eller stikkpiller.
• Ved bruk av mikstur, gi talet på milliliter (ml) i barnet si vektklasse 4 gonger i døgnet.
• Ved bruk av tablett/stikkpille, følg dosane i skjemaet morgon, midt på dagen, ettermiddag og kveld/natt. Dosane kan variere gjennom døgnet for å gi best mogleg smertelindring. Følg skjemaet nøye for riktig dose til riktig tid.

Paracetamol

• Paracetamol er verkestoffet i for eksempel «Paracet», «Pinex» og «Panodil».
• 1000 mg = 1 gram.
• Paracetamol finst som mikstur, tablett, stikkpiller, brusetablett og dosegranulat i ulike styrkar. Vel det som passar best for barnet ditt.

Ibuprofen

• Ibuprofen er verkestoffet i for eksempel «Nurofen» og «Ibux».
• Ibuprofen finst som mikstur, tablettar, kapslar og stikkpiller.
  Ibuprofen mikstur finst både som 20 mg/ml og 40 mg/ml. Vel det som passar best, men hugs å følgje riktig dosering i ml ut frå om barnet brukar 20 mg/ml eller 40 mg/ml mikstur.
• Ibuprofen («Nurofen») stikkpiller er reseptpliktige. Lege ordnar resept ved behov.

Diklofenak 

• Diklofenak er verkestoffet i «Voltaren».
• Diklofenak finst som tablettar og stikkpiller.
• Diklofenak («Voltaren») 50 mg er reseptpliktig. Lege ordnar resept ved behov.

Når skal du ta kontakt med helsevesenet? 

• Dersom smertene ikkje blir lindra av medisinar.
• Dersom du er bekymra.

Kontaktinfo sjukehuset 

Dagtid kvardagar: Øyre‑nase‑halsavdelinga: 55 97 27 00
Helg/kveld/natt: Sentralbord Haukeland universitetssjukehus: 55 97 50 00. Be om barnekirurgisk avdeling.

Ved akutt nødhjelp: Ring 113!