Vi tilrår at du alltid nyttar siste versjon av nettlesaren din.
Før operasjonen

Innlegging til operasjon

Informasjon til deg som skal opererast på kysthospitalet i Hagevik. Her er viktig informasjon om ting du bør gjere i forkant. Les dette i god tid før operasjonen, repetér ei veke før.

Planlegging før operasjonen

Aktivitet /krykker/heimesituasjon

Ver i så mykje aktivitet som du klarar, då dette bidrar til at du kjem deg raskare etter operasjonen.

  • Viss du skal bruke krykker, bør du skaffe dei på førehand.
  • Planlegg og legg til rette på førehand dersom du treng hjelpemiddel eller hjelp til praktiske gjeremål etter operasjonen.

Ernæring

  • Før og etter operasjonen er det viktig å ha eit sunt og næringsrikt kosthald. Det er spesielt viktig at du får i deg protein.
  • Gode proteinkjelder er fisk, fugl, kjøt, belgfrukter, mjølk, ost og
  • Sunn kost førebyggjer at du blir unødvendig slapp etter operasjonen, gir betre sårheling og kan redusera komplikasjonar.

Hud og hygiene

  • Unngå barbering/hårfjerning i operasjonsområdet den siste veka før operasjonen, sidan det kan føre til sår/hudavskrapning. 
  • Fjern gellack, og kunstige neglar 1--3 dagar før operasjonen

 

Røyking

  • Røyking aukar risikoen for lungeproblem etter operasjonen og hemmar sårheling.
  • Vi tilrår difor røykeslutt 8 veker før og 4 veker etter Du bør også avstå frå bruk av snus i same periode.

Kva skal du ta med til sjukehuset til operasjonen?

  • alle medisinar i originalinnpakning,
  • dersom du bruker CPAP, må du ta apparatet med,
  • komfortable klede og sko som er lette å ta av og på
  • toalettsaker (obs: ikkje parfymerte produkt grunna allergi)
  • eventuelt krykker,
  • minst mogleg verdisaker
  • legg igjen smykke/ ringar, ørepynt og percing heime

Hugs å merke krykker og bagasje med namn.

 

Reise

Om du har spørsmål om reise eller overnatting, sjå  www.helse-bergen.no/pasientreiser eller ring Pasientreiser på telefon 05515.

 

Medisinar

Nokre medikament kan auke risikoen for å få blodpropp eller unormalt blod-tap i samband med større operasjonar. Her ser du kva du skal gjere dersom du bruker følgjande medikament som er lista opp her.

Marevan 

Ta kontakt med oss snarast dersom du har starta med tablettar etter at operasjonen blei avtalt. Vi må avtale korleis du skal ta medisinen fram til operasjonen

Plavix, Ticlid Xarelto og Eliquis

Ta kontakt for å avtale om du skal slutte med dei eller

Acetylsalisylsyre

  • Albyl E (fast dose 75mg eller 160 mg) skal brukast fram til
  • Andre preparater som inneheld acetylsalisylsyre skal ikkje brukast dei siste 2 vekene før operasjonen (f.eks. Aspirin, Donobid, Dispril, Globentyl, Globoid, Novid og Asasantin Retard).

P-piller

  • skal ikkje brukast dei 4 siste vekene før.

Slankepreparat / diabetesmedisin

  • Mysimba må ikkje brukast dei 3 siste dagane før
  • Ozempic og Wegory må ikkje brukast dei 7 siste dagane før

Hormonpreparater for overgangsalderen

  • kan brukast fram til operasjonen

Naprosyn, Voltaren, Ibux og andre betennelsesdempande medikament

  • bør ikkje brukast den siste veka før Kontakt oss dersom du har vanskar med det.

Kosttilskot og naturpreparat

Det skal ikkje brukast dei 2 siste vekene før operasjonen, fordi preparata kan innehalde blodfortynnande stoff.

 

Klarering til operasjon

Du skal møte til operasjonsklarering 1-3 veker før operasjonen. Ha gjerne med ein pårørande. Det kan bli noko venting, og du bør sette av heile dagen fram til kl 15.

Du skal til utgreiing hos lege og anestesilege, og du får også snakke med kirurg. Du får viktig informasjon hos sjukepleier og fysioterapeut.

Følgjande undersøkingar blir gjort:

  • blodprøver
  • urinprøve (viss aktuelt)
  • røntgenbilete (viss aktuelt)
  • EKG (hjartediagram)

For at elektrodane i EKG-undersøkinga skal klistre godt på huda, må du ikkje bruke hudkrem denne dagen.

Hugs å ta med

  • oppdatert liste frå fastlege over alle medisinar du brukar
  • liste over naturpreparat du bruker

Kom utan

  • Kunstige negler og gellack 
  • smykke/ørepynt/ringar/ percing

 

Kva kan føre til at operasjonen blir utsett?

Det er fleire ting som kan føre til at operasjonen blir utsett fordi faren for komplikasjonar/infeksjonar aukar.

Vi ber deg difor ta kontakt dersom følgjande oppstår når det er mindre enn sju dagar til operasjonsdatoen:

  • forkjøling, feber,
  • urinvegsinfeksjon, tanninfeksjon, annan infeksjon i kroppen, eller kviser/sår på huda i operasjonsområdet eller sår andre stader på kroppen

 

Ta kontakt med oss dersom

  • du har starta med nye medisinar eller vore innlagt på sjukehus etter at du var på operasjonsklarering.
  • du har hatt behandling på sjukehus utanfor Norden dei siste 12 månadane.

 

Før operasjonen

  • Møt fastande som avtalt på sjukehuset til tida oppgitt i brevet
  • Du får smertestillande tablettar (premedikasjon).
  • Du ventar i kvilestol fram til du går i følge med pleiepersonalet til

operasjonsavdelinga.

  • Anestesipersonale gir bedøving til Du får lagt inn :
    • 1-2 venekanyler på handa,
    • urinkateter og/eller drensslange frå operasjonssåret (ved behov).

Etter operasjonen

Du blir overført til oppvakningsavdelinga etter operasjonen. Der blir du i nokre timar eller inntil eit døger, før du blir overført til sengepost.

Dei fleste reiser heim første dagen etter operasjonen. Dersom det er medisinske årsaker til det, kan utreisa bli utsett.

Du finn meir informasjon om dei ulike behandlingane og tida etterpå her.

 

Sist oppdatert 26.05.2026