Faglig forum for sengeposter i BUP

Fagleg forum for sengepostar i BUP

Vi inviterer til eit nytt fagleg forum hausten 2026 – ein møteplass for dei som arbeider i sengepost med barn og unge med spiseforstyrringar. Dagssamlinga rettar seg mot leiarar, sentrale behandlarar og miljøpersonell frå sengepostane i Helse Vest. Nøkkelpersonell frå poliklinikk vil også bli inviterte til denne dagen.

Dei siste åra har vi i Helse Vest arbeidd med å innføre familiebasert behandling for anorexia nervosa (FBT), først og fremst i poliklinikk, men òg i sengepostane. Poliklinikkane gjer ein framifrå innsats, og det er færre pasientar som blir lagde inn enn før vi innførte systematisk opplæring i FBT. Det har likevel vore stor pågang i sengepost den siste tida. Tilbakemeldingar viser at døgnpostane har hatt mange komplekse saker der ein strevar med å få til endring, og der symptoma blir svært alvorlege, slik at det blir nødvendig å nytte tvang.

Difor ønskjer vi denne gongen å setje søkjelys på bruk og praktisering av tvang i døgnbehandling av ungdom med spiseforstyrringar. Kurset vil mellom anna ta for seg:

• juridiske rammer, kliniske vurderingar og etiske dilemma knytte til bruk av tvang
• kva når ungdom er under 16 år og foreldretvang blir nytta?
• pasientar sine erfaringar med bruk av tvang, formidla av ein brukarrepresentant (tidlegare pasient i BUP)
• korleis praktisere tvang på ein måte som ivaretek både pasientsikkerheit, behandlingsansvar og relasjon