Vi tilrår at du alltid nyttar siste versjon av nettlesaren din.

Fjerning av livmortapp (konisering) ved Voss/HUS

Dersom vevsprøver frå livmorhalsen din bekreftar mistanke om celleforandringar, anbefaler vi ein mindre operasjon for fjerning av den ytre delen av livmorhalsen. Når du har fjerna denne ytre delen av livmorhalsen, reknar vi med at du er ferdigbehandla for celleforandringar. Du skal likevel ha jamlege kontrollar i etterkant.

Før

Bruker du blodfortynnande medisinar, som for eksempel Marevan, Plavix eller Albyl, anbefaler vi at du tar kontakt med legen din i god tid før denne behandlinga. 
 
Koniseringen blir gjort med straumførande instrument (diatermi). Derfor er det viktig at du fjernar alt metall, som smykkar, ringar, klokkar, piercing etc. før inngrepet. 
 
Du kan heller ikkje bruke fuktkrem på beina den dagen inngrepet skal utførast, da det kan føre til at utstyret som blir ikkje brukt verkar. 
 

​​Faste

Før operasjonen/undersøkinga må du faste. Dersom du ikkje møter fastande, kan det hende vi må avlyse/utsetje timen.

De siste 6 timane før operasjon/undersøking skal du ikkje ete mat eller drikke mjølk/mjølkeprodukt. De siste 2 timane skal du unngå tyggegummi, drops, snus og røyk. Frem til 2 timer før kan du drikke klare væsker: Vatn, saft, juice utan fruktkjøt, brus, te og kaffi utan mjølk. Du kan svelge medisinar med eit lite glas vatn inntil 1 time før, og pusse tenner og skylje munnen når som helst.

  • Mat og mjølk/mjølkeprodukt: Skal stoppast 6 timer før
  • Klare væsker, tyggegummi, drops, røyk og snus: Skal stoppast 2 timer før



Dersom du likevel har ete eller drukke utanom de tidene som står her må personalet få vite det. 

Under

Konisering er ei skånsam behandling. Ein kjegleforma bit ytst på livmorhalsen blir fjerna med ei lita elektrisk slynge. Ettersom det blir danna eit sår, vil det vere ein viss risiko for bløding.

Etter

Etter inngrepet blir det nokre gonger lagt inn ein spesiell tampong i skjeden som avgrensar bløding. Denne fjernar du sjølv etter 4 timar, etter avtale med lege. 

  • Unngå samleie, karbad, tampongbruk og store fysiske anstrengingar i 4 veker, eller så lenge du blør. Sjukmelding vil vere aktuelt i éin dag.
  • Nokre får menstruasjonsliknande smerter etter konisering. Det går ca. 3 veker før såret på livmorhalsen gror, og i denne tida må du rekne med utflod med blod.

Om du skulle begynne å blø (meir enn ved vanleg menstruasjon), tar du kontakt med sjukehuset. Blødingsfaren er størst dei første dagane etter koniseringen. Du må også ta kontakt ved aukande smerter og/eller feber.

Konisering påverkar ikkje fertiliteten, og så lenge ein berre tar bort ein liten bit av livmorhalsen gir det ingen stor auke i risiko for prematur fødsel. 

Kontroll

Biten som er skore bort blir send til undersøking. Du vil få informasjon om prøvesvar og skal til kontroll enten hos fastlege eller på sjukehuset 6 månader etter inngrepet. 

Det vil bli tatt ei livmorhalsprøve etter seks månader. Om alt er normalt, er det 3 år til neste HPV-test.

Ver merksam

Ta direkte kontakt med sjukehuset dersom du etter inngrepet får: 

  • feber
  • aukande blødinger eller kraftig bløding (meir enn ved vanleg menstruasjon)
  • aukande smerter 
Sist faglig oppdatert 21.05.2026

Kontakt

Voss sjukehus Medisinsk, kirurgisk og gynekologisk poliklinikk Voss
Ventetid: 8 - 16 uker

Ventetid: 8 - 16 uker

Kontakt Medisinsk, kirurgisk og gynekologisk poliklinikk Voss

Oppmøtestad

Kirurgisk poliklinikk ligg på oppsida av sjukehuset ved akuttmottak, der kan du gå rett inn frå gateplan. Går du inn hovedinngangen i fyrste etasje, ligg poliklinkken i tredje etasje. Følg skilting.

Medisinsk poliklinikk i ligg i fyrste etasje, der du går inn hovedinngangen. Sjå også informasjon i innkallingsbrevet om kor du skal møte.


Gynekologisk poliklinikk ligg på oppsida av sjukehuset ved inngang Vest (vis a vis legevakt/poliklinikk), sjå eige skilt.
 
Ein kan ikkje lenger betale med kort på poliklinikken. Etter konsultasjonen får du tilsendt link på telefonen med tilbod om å betale med Vipps eller faktura.
Dersom du vil betale kontant, kan du få utført det i resepsjonen i fyrste etasje/hovedinngang, i opningstida 08:00 - 15:00. 
En hvit bygning ved foten av et fjell

Voss sjukehus

Sjukehusvegen 16

5704 Voss

Finn fram

Transport

Reisetid til Voss frå:

  • Bergen med bil, ca. 1 t 30 min.
  • Flesland med bil, ca. 1 t 45 min.
  • Stavanger med bil, ca 6 t 30 min.
  • Oslo med bil, ca 6t 30min

​​Kjem du frå Hardanger eller Sogn, er buss ein alternativ reisemåte:

Det går buss frå sentrum til sjukehuset. Rute 965 stoggar ved sjukehuset og Rute 964 stoggar i Ringheimsvegen, nokre minutt gåtid frå sjukehuset. For nærare informasjon om rutetider, sjå Skyss sin ruteplanleggar  for rutene 964 Ringebuss Skjerpe/Sivlevegen og 965 Sentrumsringen. 

​​Det er parkeringsavgift på sjukehusområdet måndag – fredag mellom kl 09.00-17.00.

Prisar 

Kr 15 ,- pr. time og kr 40,- pr. døgn. Langtidsparkering inntil 7 døgn er mogleg. 
Du kan betale med kort, kontant eller mobil.

Sjukehuset har ikkje tilbod om lading av el-bilar for pasientar. Ladestasjonar finn ein i sentrum og ved Tinghuset, i parkeringshuset Vossapark og i Strandavegen .  

​​Voss Taxi
Telefon ​56 51 13 40​

Bergensbanen ved Voss sentrum, og det går hyppig tog mellom Voss og Bergen. 

Reisetid til Voss frå: 

  • Bergen med tog, ca 1t og 20 min​
  • Oslo med tog, ca. 5 t 30 min.

Informasjon om togtider finn du på Vy sine nettsider​

Ventetid

8 uker til utredning

8 uker til dagbehandling (16 totalt)

Velg behandlingssted (helsenorge.no)

Praktisk informasjon

Kontakt personalet dersom du kjem utanom visittid eller vedkommande pasient er isolert. Nokre viktige hugsereglar:

  • Ta ikkje med potteplantar til pasientar.
  • Unngå å sitje på sengekanten, bruk stol.
  • Vær nøye med hygiene, vi tilrår vask av hendene etter besøk hjå inneliggjande pasientar.

​​​Generell besøkstid
​15.00 - 16.00 og 18.00 - 19.00

Intensivavdeling
​Vend dykk i vaktrommet for avtale om besøk​

Føde-/barselavdelinga
​
Gje mor, partnar og dei nyfødde borna ro

Dei aller fyrste dagane med den nyfødde er det viktig at familien får mest mogleg ro og kvile. Dette for å bli godt kjend med kvarandre samt at mor skal får nok ro og tid til å kome godt i gang med amminga. Me anbefalar også at den fyrste tida heime vert avgrensa til dei aller nærmaste.
Partner/ ledsager / den eine nærmaste pårørande er velkomen til barselavdelinga på dagtid mellom 09 og 20. Dersom mor ligg på rom saman med ei anna barselkvinne er det fint at dei vert einige seg i mellom i forhold til besøk slik at det også vert rom for ro og kvile.

For andre besøkande tillet me kun besøk av den nyfødde sine sysken mellom 17.00-18.30.

Her finn du litt informasjon om kven du vil møte, og litt om kva reglar som gjeld for deg som pasient når du er innlagt på sjukehus.

​​Pasientar som blir innlagt for øyeblikkeleg hjelp har ikkje moglegheit til å planlegge sjukehusopphaldet. Men dersom du mottar innkalling på førehand, kan det vere greit å førebu seg litt.

Personalet har namneskilt med tittel, slik at du skal kunne sjå kva yrkesgruppe kvar enkelt tilhøyrer. Du kan sjølvsagt også spørje vedkomande direkte viss du er i tvil om kven du møter. Her er ei liste over dei yrkesgruppene du vanlegvis vil møte på sjukehuset:
​​​

  • Lege ​og sjukepleiar har hovudansvaret for deg når du er innlagt på sjukehus​
  • ​Bioingeniør kjem til avdelinga kvar morgon for å ta blodprøvar eller andre prøvar
  • Radiograf førebur og utfører CT-, MR- og røntgenundersøkingar av deg på Radiologisk avdeling.
  • Fysioterapeut hjelper deg med å førebygge funksjonsvanskar som følge av for eksempel operasjonar. Kan også hjelpe deg med å få tilbake tapt bevegelsesevne, eller til å lære deg å leve vidare med endra funksjonsnivå.
  • Ergoterapeut hjelper deg med å fungere best mogleg i dagleglivet etter skade og sjukdom, og legg til rette praktisk hjelp.
  • Sosionom gir deg informasjon om forskjellige hjelpetiltak og kan formidle kontakt med aktuelle instansar, for eksempel helse- og sosialetaten eller pasientombodet.
  • Klinisk ernæringsfysiolog hjelper deg å leggje om kosthaldet dersom nødvendig.
  • ​Studentar og spesialistkandidatar. Voss sjukehus er ein del av Haukeland universitetssjukehus, som årleg utdannar eit par tusen helsearbeidarar. Det betyr at studentar og spesialistkandidatar av og til er med i samband med undersøkingar, pleie og behandling under opphaldet. Dette ber vi deg vere merksam på og ha forståing for.

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

 
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
 
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din.