På glatta
Helga Furdal (74) er ein av dei uheldige pasientane som falt og brakk handleddet i vinter. På dei travlaste dagane kjem godt over 100 pasientar i døgnet med brotskader til oss på Skadepoliklinikken. Kva skjer når du kjem inn med brot eller mistanke om brot?
![kvinne med gips.foto](/4aa669/contentassets/fe2b9883d4724fb1baf549d9f7529ad1/dsc03133_hi.jpg?width=3910&height=2606&quality=80&format=webp)
– Den typiske brotpasienten er godt vaksne kvinner som sklir på glatta, fortel lege Dagrun Waag Linchaussen.
![lege ser i kamera.foto](/4aa66a/contentassets/fe2b9883d4724fb1baf549d9f7529ad1/dsc03016_hi.jpg?width=3899&height=2599&quality=80&format=webp)
Møt Dagrun. Her på vakt ein heilt vanleg vinterdag i Skadepoliklinikken. Til 1. mars i år har 3970 nye pasientar vore innom oss med brotskade. Rekorden er 117 akutte brotskader på eitt døgn. – Det er berre dei med brotskade som skal opererast vi sender opp i Sentralblokka, til Voss sjukehus eller på Haraldsplass. Elles får dei all hjelp her, til og med oppfølginga frå fysioterapeut.
![kø og kølapp.foto](/4aa66b/contentassets/fe2b9883d4724fb1baf549d9f7529ad1/dsc03022_hi.jpg?width=4166&height=2777&quality=80&format=webp)
Dei fleste kjenner dette som «Legevakten», men frå våren 2018 har vi vore organisert som to einingar; Skadepoliklinikken ved Haukeland universitetssjukehus og Bergen allmennlegevakt v/Bergen kommune. Når du kjem inn døra må du trekkje kølapp. Den eine køen går til legevakten, den andre er til oss i Skadepoliklinikken. Begge held til i same lokale.
![sekretær smiler i luka.foto](/4aa66c/contentassets/fe2b9883d4724fb1baf549d9f7529ad1/dsc03041_hi.jpg?width=3944&height=2629&quality=80&format=webp)
Når pasientane kjem til luka blir dei vurdert av erfarne helsesekretærar, slik som Henriette Andersen. Det blir gjort ein såkalla triagering i luka. Dei med brot som tydeleg er i feilstilling blir prioritert. Vi tek særleg omsyn til barn, eldre og dei som er svært smertepåvirka. - Dei som er hardast skadd er oftast mest stille, påpeker Linchaussen. Dei i luka følgjer med på dette.
![radiograf.foto](/4aa66d/contentassets/fe2b9883d4724fb1baf549d9f7529ad1/dsc03073_hi.jpg?width=4034&height=2689&quality=80&format=webp)
Helena Holleland Berland er radiograf. Det er radiografane som hentar deg inn frå venterommet og tek røntgenbilete av skaden, som legen så vurderer.
![møte pasient og lege.foto](/4aa66f/contentassets/fe2b9883d4724fb1baf549d9f7529ad1/dsc03090_hi.jpg?width=3911&height=2607&quality=80&format=webp)
Helga datt då ho skulle ut og kaste bosset. Ho kjende med ein gong at dette ikkje var bra.
![Lege undersøker hand.foto](/4aa66f/contentassets/fe2b9883d4724fb1baf549d9f7529ad1/dsc03105_hi.jpg?width=4021&height=2680&quality=80&format=webp)
Dagrun gir smertestillande og undersøker handa.
![skada hand.foto](/4aa670/contentassets/fe2b9883d4724fb1baf549d9f7529ad1/dsc03117_hi.jpg?width=4039&height=2692&quality=80&format=webp)
Handleddsbrot er smertefullt og Helga får meir bedøving.
![lege ser på røntgen.foto](/4aa672/contentassets/fe2b9883d4724fb1baf549d9f7529ad1/dsc03136_hi_censored.jpg?width=4083&height=2722&quality=80&format=webp)
Dagrun ser på bileta at Helga har eit komplisert brot.
![reponering.brot.foto](/4aa64e/contentassets/fe2b9883d4724fb1baf549d9f7529ad1/dsc03185_hi.jpg?width=4044&height=2696&quality=80&format=webp)
Fleire må trå til når bruddet skal reponerast.
![reponering.foto](/4aa64f/contentassets/fe2b9883d4724fb1baf549d9f7529ad1/dsc03199_hi.jpg?width=4074&height=2716&quality=80&format=webp)
Reponering foregår ved å strekke brotendene frå kvarandre. Her må fleire ta i. Gipsen må på medan armen vert holdt i riktig posisjon.
![røntgen av arm.foto](/4aa650/contentassets/fe2b9883d4724fb1baf549d9f7529ad1/dsc03223_hi.jpg?width=4070&height=2713&quality=80&format=webp)
Ein ferdig gipsa arm. Radiografen tek nye bilete.
![Pasient med gips.foto](/4aa652/contentassets/fe2b9883d4724fb1baf549d9f7529ad1/dsc03279_hi.jpg?width=4079&height=2719&quality=80&format=webp)
Ein tapper pasient er klar for å reisa heim. Helgas brotskade må opererast og ho får time på Voss sjukehus nokre dagar seinare.