Helse Bergen prøver ut “Tale til sammendrag”
Helse Bergen prøver ut “Tale til sammendrag” for å betre dokumentasjonen av helsehjelpa du får.
Det betyr at korte lydklipp blir spela inn undervegs i samtalen og gjort om til tekst. På den måten blir kunstig intelligens brukt som støtte når behandlaren din utarbeider eit journalnotat. Notatet blir lagra i journalen din.
Hensikta er å sikre nøyaktig dokumentasjon og å redusere den administrative tida for helsepersonell.
Personvern og tryggleik
Lydklippa blir automatisk sletta når dei er omgjorde til tekst, fortløpande etter 5–10 sekund. Journalnotatet blir kvalitetssikra og godkjent av behandlar før det blir registrert i journalen din.
Du kan som vanleg sjå journalnotatet ditt på helsenorge.no så snart det er godkjent av behandlaren din.
Alle personopplysningar blir handsama i samsvar med europeisk personvernlovgiving.
Her kan du lese meir om personvern i Helse Bergen.
Her kan du lese meir om den regionale tiltaksplanen vedrørande kunstig intelligens.
Lenker til nyheitsartiklar om same tema:
Dette superverktøyet overrasket legen (TV2)
Fastlegar tar lydopptak av pasientane (NRK)
Fastlegen om bruk av kunstig intelligens: – Fått mer tid til å puste (Tidsskriftet)