Laboratorie- og radiologitenester sørger for at pasientane får presis diagnostikk og effektiv behandling

Riktig bruk av laboratorietenester og bildediagnostikk er ein heilt sentral del av det høgspesialiserte pasienttilbodet. Det bidreg til rett diagnostikk og til å gjere gode behandlingsval. Undersøkingar og analysar gjort i støttetenestene er viktige i vurderinga av kva pasientar som vil ha nytte av nye metodar i behandlinga. Samtidig er kloke val viktig for å motverke overdiagnostikk og overbehandling.

I organiseringa av laboratorietenestene og det bildediagnostiske tilbodet må vi ta i bruk dei teknologiske mogelegheitene. Felles regionale fagsystem som Sectra, digitalt mediearkiv og digital patologi vil kunne auke samhandlinga, og gjere det mogleg å dra nytte av kompetanse på tvers av einingar, lokalt og regionalt, og mellom private og offentlege. Det er nødvendig å avklare spørsmål knytt til desentralisering og sentralisering for å utvikle tilbodet vidare med god bruk av ressursane og til det beste for pasientane.

Tiltak for å nå dette målet utarbeidast i nivå 2- einingane sin handlingsplanar, både i fleire av dei kliniske einingane, i Laboratorieklinikken og i Radiologisk avdeling. Vidare finn ein tiltak i arealdelplanen (PDF)​, kompetansedelplanen (PDF)​ og Teknologidelplan (PDF) for å nå målet.

• Talet på usignerte prøvesvar røntgen og lab går ned
• Talet på re-granskingar går ned
• Snitt dagar frå tilvising til undersøking (intern lenke) er på nivå med dei andre regionsjukehusa
• Snitt dagar frå undersøking til vurdering (intern lenke) er på nivå med dei andre regionsjukehusa
• Årsmeldingane for fagnettverka viser at dei når måla sine