Visittid og besøk på sjukehuset

På enkelte avdelingar kan pasientar ta imot besøk også utanom visittida. Dette må avklarast med kvar enkelt avdeling på førehand. Enkelte avdelingar har og eigne visittidar.

Av omsyn til andre pasientar, er det fint om de går ut av rommet, for eksempel til ei av daglegstovene.

Om pasienten ikkje er frisk nok til å forlate rommet, vil vi gjerne at de avtalar besøk utanom vanleg visittid med personalet på avdelinga.

For meir informasjon kan du gå til nettsida til den avdelinga du skal besøke

Før du kjem på besøk må du gjere deg kjent med gjeldande regler:

Du må vere frisk for å kome på besøk
Du må ikkje ha nyleg oppståtte symptom på luftvegsinfeksjon, omgangssjuke eller liknande
Du må følge vanlege smittevernreglar som å ha god handhygiene
Du bør helst kome i visittida, men kan óg kome til andre tider etter avtale med avdelinga

Munnbind

Det finst framleis pasientar og besøkande som er uroa for eiga eller andre si helse i samband med luftvegsvirus, og dei som ønskjer munnbind kan sjølvsagt framleis bruke det.