Vi tilrår at du alltid nyttar siste versjon av nettlesaren din.

Kommunikasjons­avdelinga

Kommunikasjonsavdelinga i Helse Bergen, Haukeland universitetssjukehus, har ansvaret for både intern og ekstern kommunikasjon. Det inneber god kommunikasjon både internt på sjukehuset og mellom sjukehuset og pasientar, pårørande, media og befolkninga generelt. Vi bruker ulike kanalar, som for eksempel eigne nettsider, sosiale media og brosjyrar. Vi har også ansvar for ei rekke kulturaktivitetar retta mot pasientar, pårørande og tilsette.

Kommunikasjonsavdelinga bidrar med rådgiving i ulike prosjekt i sjukehuset og til klinikkar og avdelingar i ulike saker som treng satsing på kommunikasjon. Rådgivarane bistår i prosessen frå utarbeiding av kommunikasjonsplanar til operativt arbeid for å sette planane ut i livet.

Vi ønskar å gi god informasjon om sjukehuset og våre tilbod til befolkninga generelt, og pasientar og pårørande spesielt. Alle avdelingane har eigne webkontaktar og er ansvarlege for at innhaldet på dei einskilde avdelingane sine nettsider er oppdatert og fagleg rett. 

Intranettet vårt heiter «Innsiden» og er den primære kommunikasjonskanalen i sjukehuset. Intranettet er viktig for å halde dei tilsette oppdaterte på viktige hendingar og nyheiter i sjukehuset. Vi bruker SharePoint Online som publiseringsløysing.

Vi har fotograf/videofotograf som bistår med å lag saker og produksjonar til intra- og internett. Ein stor del av arbeidet gjeld produksjon av pasientinformasjon. Vi har også medarbeidarar med grafisk kompetanse som bistår i utforming av ulike typer pasientinformasjon.

Kommunikasjonsavdelinga bidrar i samband med enkelte av kulturaktivitetane og trivselstiltaka på sjukehuset.

Ønskjer du å bidra med kulturinnslag, kan du sende mail til info@helse-bergen.no.

Kunst og utsmykking av sjukehuslokala er også ein del av ansvaret til Kommunikasjonsavdelinga. Det er nedsett eit kunstutval som skal ha eit blikk for korleis sjukehuslokala er utsmykka.

Eit møte med sjukehuset kan vere eit av dei viktigaste møta i eit menneskes liv. Ved hjelp av eit korps av frivillige medarbeidarar ønskjer vi å gjere pasientar og pårørande sine møte med sjukehuset endå betre.

Leiar: Kommunikasjonsdirektør Erik Vigander, 90 13 37 71

Nestleiar: Spesialrådgjevar Synnøve Tangen Stub, 90 01 94 08  

 

Kontakt

Telefon

Kommunikasjonsavdelinga

55 97 60 00
  • Måndag - Fredag 08:00 - 15:30
  • Laurdag - Søndag STENGT

Vakttelefon

95 89 04 45

Vakttelefon 95890445 skal kun nyttast ved akutte hendingar utanom kontortid. Vi har heimevakt og er ikkje på sjukehuset. Førespurnadar som ikkje er akutte bør skje på kvardagar i kontortida.

Slik finn du fram

Oppmøtestad

2. etasje
En rød murbygning

Jørgen Sandbergs hus

Jonas Lies vei 73 (Raudt hus i sykehusparken)

5021 Bergen

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
  • Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Sjå rutetabellar og oversikt over stoppestader på Skyss.no

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.

​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss/bane det siste stykket opp til Haukeland​. 

​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.