Smertelindrende strålebehandling med eitt pasientoppmøte
Prosjektet har som mål å utvikle ein ny arbeidsflyt som gjer at pasientar med smertefulle skjelettmetastaser får lindrande strålebehandling med bruk av standard strålebehandlingsutstyr og kun eitt oppmøte i sjukehuset.
Prosjektgruppe:
Mari Helene Blihovde Hjelstuen (kontaktperson)
E-post: mari.helene.blihovde.hjelstuen@sus.no
Sara Pilskog, Kjell Ivar Dybvik, Liv Bolstad Hysing, Helge Seime Pettersen, Maria Nyre Vigmostad, Kristin Helene Dybvik Iversen, Sarah Gjerde Myhre, Gry Sandvik Haaland, John Alfred Brennsæter, Lukas Hirschi.
Om prosjektet
Overordna mål med prosjektet er å redusere tid i sjukehuset for pasientar som skal ha smertelindrande strålebehandling grunna spreiing til bein (metastasar til skjelettet). Mange av desse pasientane har kort forventa levetid. Pasientar som skal motta smertelindrande behandling etter dagens standard vil bli spurt om å delta i studien.
Prosjektet vil innhente røntgenbilete teke ved utredning, for planlegging og ved behandling, informasjon om tidsbruk i sjukehuset og pasientrapportert smertelindring, helsestatus (grad av skrøpelegdom) og om pasienten angrar på avgjera om å ta i mot strålebehandling. Innsamla data vil bli nytta til å kartlegge noverande tidsbruk i sjukehuset og etablere ein meir automatisert arbeidsflyt for smertelindrande behandling med færre oppmøte og som reduserer behovet for innlegging i sjukehuset.
Vi vil også undersøkje om det er ein samanheng mellom helsestatus (grad av skrøpelegdom), smertelindring og behandlingsanger hos pasientar som skal ha lindrande behandling.