Ufrivillig barnløshet utgreiing

Når tilvisinga frå legen er vurdert, vil paret få kvar sitt brev frå oss. Brevet inneheld konkrete oppgåver som paret må gjere i forkant, før dei blir kalla inn til time hos oss. 

• Kvinna må ta blodprøver på 2. - 4. menstruasjonsdag.  Blodprøvane er bestilt elektronisk. Dersom du ønsker å ta blodprøver andre stadar enn på sjukehuset må du kontakte oss for å få rekvisisjon til det.
• Mannen må levere sædprøve. Han får ein timeavtale for å levere prøven på fertilitetssenteret. Dersom han ønskjer å ta sædprøve andre stader, må dei sende svaret til fertilitetssenteret.
• Begge Paret må fylle ut eit eigenerklæringsskjema før timen på sjukehuset. Skjemaet blir sendt til begge på Helsenorge.no.

Dersom vi berre mottar tilvising på kvinna, vil ho få et brev med oppmoding om at partner må kontakte avdelinga før tilvisinga kan godkjennast. 

Paret vil få innkalling til time når vi har svar på alle blodprøvar og sædprøve, og eigenerklæringsskjema er levert til oss via helsenorge.no. 

Slik tar du sædprøve:

Tiltak som paret kan starte med sjølve

• Kvinner som prøver å bli gravid blir anbefalte å ta tilskot av folat på 0,4 mg dagleg. Du bør også fortsette å ta folat dei tre første månadane etter positiv graviditetstest.
• Både overvekt og undervekt hos kvinna kan spele inn på sjansen til å bli gravid ved å gi ubalanse i hormonsystemet. Dette kan påverke menstruasjonssyklusen, den naturlege utviklinga av egg, og eggløysing. 
• Overvekt hos menn kan føre til nedsett sædkvalitet. For dei det gjeld anbefaler vi å gå ned i vekt.

Før behandling med assistert befruktning

Før behandling med assistert befruktning er det fleire tiltak som vil krevje litt tid og innsats. Vi anbefaler at de startar med følgande tiltak alléreie no:

• Det er ei forutsetning at du ikkje røykar eller snusar. Behandlinga kan tidlegast starte 3 månader etter du har slutta å røyke/snuse.  
• Du bør halde deg til eit moderat inntak av koffein. Meir enn 1,5 liter med koffeinhaldig drikke er definert som stort forbruk og kan vere med på å redusere sjansen for å oppnå graviditet. For å betre sjansane for vellukka behandling er det anbefalt å redusere inntaket av koffeinhaldig drikke til under 0,5 liter dagleg.   
• Kroppsmasseindeksen til kvinna (KMI) bør vera mellom 19 og 30 før ein kan starte hormonbehandling.
• Begge må søke om barneomsorgsattest hos politiet. Attestane kan gjerne søkast om i utgreiingsperioden. Det blir ikkje sett i verk aktuell behandling før sjukehuset har tatt imot desse attestane.

Første time

Innkalling til første time skjer etter at testar og skjema er klare.

Både mann og kvinne må møte til den første timen. Vi går gjennom opplysningar i tilvisinga frå lege, eigenerklæringsskjema som er sendt på førehand, og resultata på blodprøvane- og sædprøve. Alt blir vurdert og diskutert, og timen kan vare omlag 60 minuttar.

• Kvinna skal gjennom ei gynekologisk undersøking
• Mannen må levere ei ny sædprøve i samband med timen. Nokre gonger blir testiklane til mannen undersøkte med ultralyd.

Paret vi få eit behandlingstilbod som er tilpassa det som kjem fram i utgreiinga:

• Dersom vi kjem fram til at årsaka kanskje kan skuldast tilstandar som krev operasjon, blir dei tilviste vidare til kirurg på sjukehuset for vurdering. 
• Ved manglande sædceller hos mannen blir han tilvist til testisbiopsi (TESA) for å sjå om det er sædceller i testiklane.

I nokre tilfelle er ytterlegare utgreiing eller livsstils endring (for eksempel korreksjon av vekt og røykeslutt) nødvendig før dei kan få tilbod om assistert befruktning.

Når utgreiinga er ferdig, vil paret få time til forsamtale. Her vil vi oppsummere og planlegge vidare behandling. Det vil også bli gitt opplæring i å sette hormonsprøyter.