Vi tilrår at du alltid nyttar siste versjon av nettlesaren din.

Informasjon til deg som pasient

Her har vi samla noko av den viktigaste informasjonen for pasientar som søkjer opphald i private rehabiliteringsinstitusjonar.

Vurdering og prioritering av tilvisingar - svar og fristar: 

Tilvisingar til rehabilitering i private rehabiliteringsinstitusjonar vert vurderte og prioriterte i tråd med pasientrettslova, prioriteringsforskrifta og prioriteringsrettleiaren.

Regional vurderingseining behandler berre tilvisingar til rehabilitering ved private rehabiliteringsinstitusjonar som har avtale med dei regionale helseføretaka. Vurderinga skal gjerast innan 10 virkedagar. Tilvisingar frå sengepost på sjukehus skal vurderast innan fire virkedagar. 

Du som pasient og den som har tilvist deg vil få brev med resultatet av vurderinga.

Vurderinga får eitt av følgjande resultat:

  • Du har rett til nødvendig helsehjelp i spesialisthelsetenesta.
    Du får oppgitt frist for når rehabiliteringstilbodet seinast skal starte, og du får samtidig informasjon om kva rehabiliteringsinstitusjon du får tilbod ved. Seinare vil du motta eit brev frå institusjonen med nærare opplysningar om opphaldet.

  • Du har ikkje rett til nødvendig helsehjelp i spesialisthelsetenesta. Det kan vere ulike grunnar tilavslaget, og informasjon om dette vil du få i eit avslagsbrev. Det kan til dømes vere at det er vurdert at ditt behov for helsehjelp bør ivaretakast på kommunalt nivå eller i andre delar av helsetenesta. Du har rett til å klage på eit avslag. 

Svaret på tilvisinga er basert på ei medisinsk vurdering gjort av ein legespesialist.
Dersom du eller den som har tilvist deg meiner at behovet ditt for helsehjelp ikkje er tilstrekkeleg vurdert, den som har tilvist deg be om ei ny vurdering. Då vil ein annan spesialist gjere ei ny medisinsk vurdering av tilvisinga di.
 
Her kan du lesa meir om kva ei henvisning skal innehalde: 
 
 
 
Sjekkliste for tilvisning, vaksne og barn

Dersom du meiner at du ikkje har fått oppfylt rettane dine som pasient, kan du klage. Du kan mellom anna klage på at du ikkje får rett til nødvendig helsehjelp, og på fristen som er sett for når utgreiinga eller behandlinga seinast skal starte. Du kan òg klage dersom du ikkje får den rehabiliteringsinstitusjonen du ynskjer.

Du må sende skriftleg klage til Regional vurderingseining. Det må du gjere seinast fire veker etter at du fekk avslaget. Du kan enten klage sjølv, eller gje andre fullmakt til å klage på dine vegner. Om den regionale vurderingseininga ikkje gjer deg medhald i klagen vert klagen din sendt til du Statsforvaltaren. 

Kva bør ei klage innehalde?

Når du klagar på eit vedtak, er det viktig at klagen inneheld nok informasjon til at saka kan vurderast på nytt. Ei god klage gjer det enklare for vurderingseininga å forstå kvifor du meiner vedtaket bør endrast.
 

Dette bør du ta med i klagen:

  • Personopplysningar: Namn, fødselsdato og kontaktinformasjon.
  • Referanse til vedtaket: Dato og eventuelt saksnummer på avslaget.
  • Grunngjeving: Kvifor du meiner vedtaket er feil eller urettferdig.
  • Relevant dokumentasjon: Til dømes epikrise, legeerklæring eller annan informasjon som støttar klagen.
  • Signatur og dato: For å stadfeste at klagen er frå deg.

Regional vurderingseining kan be om meir informasjon: 
For å kunne behandle tilvisinga di på ein god og forsvarleg måte, kan vurderingseininga be om tilleggsopplysningar. Det kan til dømes vere epikrise eller annan relevant informasjon frå sjukehus, institusjonar eller fastlegen din. Dette gjer vi for å sikre at vi har nok informasjon til å vurdere behovet ditt for behandling.
 
Regional vurderingseining vidaresender også relevant informasjon til den  rehabiliteringsinstitusjonen du får tildelt plass på. 
 
Du bestemmer kven som får informasjonen: 
Du har rett til å bestemme kven som får epikrisen eller anna helseinformasjon. Dersom du ikkje ønskjer at opplysningar blir sendt vidare, kan du seie frå. Då blir ikkje denne informasjonen delt utanom det du tillater – med mindre det er heilt naudsynt for å gi deg forsvarleg oppfølging.
 
Slik kan du kontakte oss for å reservere deg mot deling av informasjon: 
  1. Sende dialogmelding
    Klikk her for å sende oss dialogmelding
  2. Ringe oss
    Du kan ringje vurderingseininga på telefon 55918540, eller ringe den aktuelle rehabiliteringsinstitusjonen
  3. Sende brev: 
    Du kan skrive ei kort melding og sende det i posten til Regional vurderingseining eller direkte til institusjonen . 

Når du har fått innvilga rett til spesialisert rehabilitering har du rett til å velge rehabiliteringsinstitusjon. Du må velge ein institusjon som har avtale med det offentlege, og som har avtale på den delytinga du er blitt tildelt. 

Dersom du ønsker å bytte rehabiliteringsinstitusjon kan du ringe den institusjonen du ønsker å bytte til for å undersøke om dei ka ta i mot deg. Du må så kontakte institusjonen du er blitt tildelt og be dei overføre tilvisinga til den ønska institusjonen. 

 

Her kan du få oversikt over dei ulike rehabiliteringsinstitusjonane, og kor lang ventetid du kan forvente ved institusjonen.

Sist oppdatert 22.01.2026