Vi tilrår at du alltid nyttar siste versjon av nettlesaren din.
  • På grunn av vegarbeid er innkjøringa til Augebygget stengd mellom 10.juli og 23.juli 2026
    Du kan gå i gangtunnel frå Haukeland Hotell til Augebygget - følg merka rute. Det er og mogleg å gå gangveg mellom Årstad Kirke og Augebygget. Timen din går som planlagt. Rekn med ekstra tid for å finne fram.
    Stenging av vei Augebygget

Auge operasjon

I operasjonsavdelinga gjer me operasjonar i auget både i narkose og lokal bedøving. Ved dagkirurgiske operasjonar går du heim etter utført inngrep, og ved større inngrep kan det vere aktuelt med overnatting i sengepost eller pasienthotell.  Klargjering til operasjon skjer i dagkirurgisk avdeling i 1. etasje eller dagpost i 3. etasje, meld deg i resepsjonen så vert du vist vidare til rett stad.

Me som arbeider her er opptekne av at du som pasient skal oppleva å vera i dei beste hender. Vi arbeider for høg fagleg kvalitet og pasienttryggleik i eit triveleg miljø.

Auge operasjon

I operasjonsaavdelinga i Augebygget 2.etg er det operasjonar i både lokal bedøving og narkose, for born og vaksne. Nokre pasientar er dagpasienter og nokre er inneliggjande i sengepost eller pasienthotell. Opersjonsinngrep i både fremre og bakre del av auget blir gjennomført her. Pasientane blir klargjort til operasjon i dagpost i 3.etg i Augebygget. Her får du skifta til reint sjukehustøy og får førebuande augedråpar og medisinar. 
Når du kjem vidare til operasjonsavdelinga vil ein operasjonssjukepleiar eller anestesisjukepleiar ta imot deg der. Foreldre kan følgje born heilt inn på operasjonsstova ved narkose. 
Etter operasjonen blir du på Augeavdelinga eit par timar, før du kan reise enten heim eller til sengepost eller pasienthotell. 
 
Nokre inngrep hos born, og øyeblikkelig hjelp for born og vaksne utanfor vanleg opningstid blir utført i Glasblokkene. Desse pasientane blir overvaka i Glasblokkene etter operasjonen. 
 
Du vil få informasjon av din behandlar om du skal møte i Augebygget eller Glasblokkene.
To kvinner står i en operasjonsstue
Auge operasjonsstove

Auge dagkirurgi

Alle operasjonar i dagkirurgisk eining skjer i lokal anestesi, og er berre for vaksne pasientar.
Pasientane her kan ete frukost før operasjon, og reiser heim etter gjennomførd operasjon.
Klargjering til operasjon skjer i 1. etasje.
 
I dagkirurgisk eining blir det operert grå stær (katarakt), ulike inngrep relatert til augelokk og tåreveger, og laserbehandling av hornhinna.
Leger på sykehusrom
Dagkirurgisk operasjon grå stær

Kontakt

Telefon

Slik finn du fram

Oppmøtestad

Sjå informasjonen i ditt innkallingsbrev. Oppmøtestad er enten i 1. etasje eller 3. etasje.
En bygning

Augebygget

Jonas Lies vei 72

5053 Bergen

Finn fram

​Fleire rutebussar går forbi Haukeland. I tillegg finst direkte arbeidsruter mellom bydelane og sjukehuset.
 
​​​​​​På nettsidene til Skyss.no finn du bussruter med oversikt over stoppestader og tider
 
  • Line 5 og 6 har avgang frå Festplassen
  • Line 12 har avgang frå Bystasjonen
  • Line 16E har avgang frå Xhibition i Småstrandgaten
​Busstoppa rundt Haukeland:

  • Ulriksdal for besøkande til Ulriksdal helsepark og Glasblokkene (line 5, 6, 16E)
  • Haukeland sjukehus Nord for besøkande til Glasblokkene, Kvinneklinikken, Augebygget og Haukeland hotell (line 5, 6, 12 og 16E)
  • Haukeland sjukehus Sør for besøkande til Sentralblokka og andre bygg på Haukelandsområdet (line 5, 6, 12 og 16E)
  • Ibsensgate - arbeidsruter

​Nærmaste stoppestad til Haukeland er bybanestoppet Haukeland sjukehus. Banen stoppar nord for Sentralblokka, like ved Glasblokkene, på Haukelandsområdet. Det tar om lag 5 minutt å gå frå stoppet til sjukehuset. 

Sjå rutetabellar og oversikt over stoppestader på Skyss.no

Sjekk nettsida til Flybussen for meir informasjon om ruter og prisar

 

​Beklageleg er det avgrensa parkering utanfor avdelinga, men det finnast handicap-parkering der og det er mogeleg å sleppe nokon av. Parkeringsplassar finnast på Haukeland universitetssjukehus sitt hovudområde.  Det er viktig at du bereknar god tid, slik at du kan finne ein parkeringsplass før timen hos oss.

Parkeringsanlegget på Haukeland er delt inn i ulike område på og i nærleiken av sjukehuset. Vi har dessverre ikkje nok plassar til alle som ønsker å parkere på sjukehuset.

​​​​​​​​Av omsyn til dei som må bruke bil, oppmoder vi derfor dei som kan, til å bruke offent​leg transport​. Det er også mogleg å parkere på Bystasjonen og ta buss/bane det siste stykket opp til Haukeland​. 

​For dei som av ulike årsakar må bruke bil, er det parkeringsplassar på ulike områder på og i nærleiken av sjukehuset.
 

Praktisk informasjon

I foajeen i Sentralblokka på Haukeland finn du eit apotekutsal for publikum. Dei gjer klar resepten din medan du ventar der.

Meir informasjon om sjukehusapoteket i Sentralblokka

Opningstider
Måndag-fredag kl. 08.30-17.00

Telefon 55 97 53 44
Telefaks 55 29 07 40
bergen@apotekene-vest.no

Apotekutsalet har eit variert varetilbod, og fører dei legemidla sjukehuset nyttar i behandlinga. Dei skaffar også legemiddel som ikkje er marknadsførte i Noreg eller som må produserast spesielt. I tillegg har dei hudpleie- og hygieneartiklar og ernæringsprodukt, samt andre apotekvarer og sjukepleieartiklar.

Dei ansatte ved apoteket gir deg informasjon, råd og rettleiing om legemiddel og legemiddelbruk og kan tilby samtale/rettleiing mellom personale og pasient på eit uforstyrra samtalerom. Dei tilbyr og opplæring i blodsukkermåling og bruk av inhalasjonspreparat.

Apoteket tar også i mot gamle legemiddel til destruksjon.​

Du kan betale med Vipps på apoteket. Du kan derfor mellom anna betale på førehand når du skal hente bestilte medisinar.

 

Som inneliggande pasient vil du få matservering på avdelinga du ligg på. I tillegg kan du og besøkande kjøpe alt frå dagens middag til smårettar, bakevarer og kioskvarer på sjukehuset. I nærmiljøet finst også fleire daglegvarebutikkar.

Les meir om mattilbodet ved sjukehuset

​Utgreiing og behandling vil vere avhengig av god kommunikasjon og kartlegging av grundig sjukdomshistorikk. Derfor ber vi deg gi beskjed om du har behov for tolk under pasientsamtalane og undersøkingane så tidleg som mogleg. Dette gjeld om du til dømes har hørsels- eller synshemming, eller om du har eit anna morsmål og snakkar lite norsk.

Les meir om tolketenester og dine rettar som pasient

Alle pasientar og besøkande kan bruke gratis trådlaust internett på dei fleste områda på sjukehuset.

Gjest.ihelse.net er eit trådlaust nettverk for besøkande, pasientar og tilsette. Slik koblar du deg til gjestenettet vårt:

  1. Koble deg til det trådlause gjestenettet (gjest.ihelse.net)
  2. Ein nettlesar skal opne seg automatisk. (Om påloggingsvindauget ikkje dukkar opp, forsøk å opne nettlesaren manuelt).​
  3. Trykk "Godta" når du har lest og forstått vilkåra.

Innlogginga skjer automatisk på einingar etter første pålogging, så lenge kontoen er aktiv. Det skal bare være nødvendig å logge seg på éin gong per eining per 31 dagar. 

 
Trøbbel med å kople til trådlaust internett?
Sjukehuset har dessverre dårleg nettverk nokre stader. Du kan derfor ha problem med å få logga deg på nettverket. Vi beklagar dette, og jobbar med å utbetre dette.
 
Har du ein nyare mobiltelefon, og problem med å kople det til trådlaust gjestenett på sjukehuset? Det kan skuldast nettverksinnstillingane på telefonen din.